Búgin - Ázerbaıjanda armıandar men bolshevıkter jasaǵan genoıd qurbandaryn eske alý kúni, dep habarlaıdy "Adyrna" tilshisi kavkaz-uzel.media-ǵa siltep.
1918 jyly naýryzda armıandar men bolshevıkter eldiń 50 myńǵa jýyq turǵynyn qyrǵany aıtylady.
106 jyl burynǵy oqıǵa Ázerbaıjan tarıhyndaǵy eń qandy oqıǵanyń biri bolyp sanalady.
Patshalyq Reseı bıliginiń sońǵy jyldarynda Ázerbaıjannyń ártúrli aımaqtaryna qonystanǵan armıandar bılik daǵdarysyn paıdalanyp, jerlerdi basyp alýǵa, aýyldar men qalalardyń halqyn qyryp-joıýǵa kirisken. 1905 jyldan bastap armıandar belsendi túrde qarýlanyp, Ázerbaıjannyń ártúrli aımaqtaryndaǵy, ásirese Baký halqyna kóp shyǵyn ákeledi.
1917 jylǵy Qazan tóńkerisinen keıin bolshevıkter Bakýdegi bılikti basyp aldy. Armıan bolshevıkteriniń kósemi Stepan Shaýmıan qoldaǵan armıandar men bolshevıkterdiń bandylary ázerbaıjandarǵa qarsy shabýyldy kúsheıtken. 1918 jyldyń 30 naýryzy men 3 sáýiri aralyǵynda armıan jáne bolshevık bandylary Ázerbaıjannyń Baký, Shamahı, Gýba, Hachmaz, Lenkaran, Hadjıgabýl, Salıan, Záńgezýr, Qarabaq, Nahchyvan jáne basqa oblystarynda 50 myńǵa jýyq halyqty qyrǵany habarlanǵan.
Osmanly memleketiniń soǵys mınıstri Enver pashanyń nusqaýymen jasaqtalǵan Kavkaz ıslam áskeri Ázerbaıjan aýmaǵyna kelgennen keıin ǵana armıandardyń jaýyzdyǵy toqtatylǵan.
1998 jyldan beri dál osy kúni jyl saıyn halyq genoıd qurbandaryn eske alady.
