ازەربايجان پرەزيدەنتى يلحام اليەۆ الەمدە ەكى عانا الىپ دەرجاۆا بار ەكەنىن مالىمدەدى. ونىڭ ايتۋىنشا، ولار – اقش پەن قىتاي. بۇل رەتتە اليەۆ رەسەيدىڭ اتىن اتامادى. اليەۆ بۇل مالىمدەمەنى 2 قازان كۇنى «جاڭا ازەربايجان» پارتياسىنىڭ VIII سەزىندە ايتتى, دەپ حابارلايدى "ادىرنا".
ول سوڭعى ۋاقىتتا ازەربايجان قىتايمەن دە، اقش-پەن دە ستراتەگيالىق سەرىكتەستىك ورناتقانىن ايتتى.
«بۇلار – الەمدەگى ەكى الىپ دەرجاۆا، ءۇشىنشىسى جوق»، – دەدى ازەربايجان پرەزيدەنتى.
اليەۆتىڭ سوزىنشە، اقش پەن قىتاي اراسىندا بەلگىلى ءبىر باسەكەلەستىك بار. ونىڭ پىكىرىنشە، ەكى ەلدىڭ ءوزارا كەلىسىمگە كەلىپ، ورتاق ەرەجەلەر قالىپتاستىرۋى بۇكىل الەم ءۇشىن ماڭىزدى فاكتور بولۋى مۇمكىن.
يلحام اليەۆتىڭ ايتۋىنشا، ازەربايجان ەۋروپالىق وداققا مۇشە ون مەملەكەتپەن ستراتەگيالىق سەرىكتەستىك ورناتقان.
پرەزيدەنت ەل حالقى مەن اۋماعى سالىستىرمالى تۇردە شاعىن بولعانىنا قاراماستان، ازەربايجاننىڭ باسقا مەملەكەتتەردىڭ سەنىمىنە يە ەكەنىن اتاپ ءوتتى.
ء«بىز نە ايتساق تا، سونى ورىندايمىز. ءبىز ەشقاشان قوسارلى ساياسات جۇرگىزگەن جوقپىز»، – دەدى اليەۆ.
ول سونداي-اق ازەربايجاننىڭ سىرتقى ساياساتتا «ابىرويمەن» ارەكەت ەتۋگە جانە ەموتسياعا بەرىلمەۋگە ۇمتىلاتىنىن ايتتى.
بۇعان دەيىن ازەربايجان ۋكراينا ەگەمەندىگى مەن اۋماقتىق تۇتاستىعىن قولدايتىنىن مالىمدەگەن. يلحام اليەۆ تاۋەلسىزدىككە ۇمتىلىپ، ءوزىنىڭ ۇلتتىق بولمىسىن ساقتاعىسى كەلەتىن حالىقتى كۇش قولدانۋ ارقىلى جەڭۋ مۇمكىن ەمەس ەكەنىن ايتقان.
