وزبەكستان ورتالىق ازيا ەلدەرىندەگى سۋ رەسۋرستارىنىڭ تاپشىلىعىنا قاراماستان گەس قۇرىلىسىن سالۋدى باستادى، دەپ حابارلايدى "ادىرنا" ءتىلشىسى اتامەكەن بيزنەسكە سىلتەپ.
ورتالىق ازيا ەلدەرىندەگى سۋ رەسۋرستارىنىڭ تاپشىلىعىنىڭ ارتۋىنا بايلانىستى ايماقتىڭ گيدروەنەرگەتيكا سالاسىنداعى ءوسىپ كەلە جاتقان پروبلەمالار وزبەكستاننىڭ نامانگان وبلىسىنداعى نارىن وزەنىندە گەس سالۋدى باستاۋعا كەدەرگى كەلتىرمەدى. جاڭا ەنەرگەتيكالىق قۋات ەلگە 434 ميلليون دوللارعا تۇسەدى.
جاڭا سۋ ەلەكتر ستانساسىنىڭ جالپى قۋاتى 228 مۆت قۇرايدى، ال جوسپارلانعان جىلدىق ەلەكتر ەنەرگياسىن ءوندىرۋ كولەمى شامامەن 1 ملرد كۆت/ساع.
كورشى قىرعىزستانمەن شەكارادا جەرگىلىكتى وندىرىلگەن تەحنولوگيالار مەن ماتەريالدار ارقىلى سالىنىپ جاتقان ەلەكتر ستانتسياسى رەسپۋبليكاعا جىل سايىن 300 ميلليون تەكشە مەتردەن استام تابيعي گازدى ۇنەمدەپ، 400 مىڭنان استام ءۇي شارۋاشىلىعىن ەنەرگيامەن قامتاماسىز ەتۋگە مۇمكىندىك بەرەتىنى ايتىلدى.
الايدا كورشى ەل باسشىلىعىنىڭ جوسپارلارى قىرعىزستاندا ەلەكتر قۋاتىن ءوشىرىپ جاتقان ايماقتاعى سۋ تاپشىلىعىنىڭ اششى شىندىعىنا قايشى كەلۋى مۇمكىن.
ەسكە سالايىق، توقتاعۇل سۋ قويماسىنداعى سۋ دەڭگەيىنىڭ تومەندىگى قىرعىزستانداعى ەڭ ءىرى سۋ ەلەكتر ستانساسىندا ەلەكتر قۋاتىن ءوندىرۋدىڭ قىسقارۋىنا جانە ەل تۇرعىندارىن ەنەرگيامەن قامتاماسىز ەتۋدىڭ ۇزىلۋىنە اكەلدى.
