الماتىداعى «قازاقفيلم» كينوستۋدياسىنىڭ الدىندا انيماتسيا سالاسىنىڭ ماماندارى جينالىپ، باسشىلىقتان قورلىق كورگەنىن ايتتى، دەپ حابارلايدى “ادىرنا” ۇلتتىق پورتالى.
جينالعانداردىڭ سوزىنشە، ستۋديانىڭ ۋاقىتشا باسشىسى ايدار وماروۆ انيماتسيالىق ءبولىمدى استاناعا كوشىرۋ تۋرالى شەشىمدى قىزمەتكەرلەرگە ەسكەرتپەستەن قابىلداپ جىبەرگەن. ال انيماتورلاردى «قازاقفيلم» اۋماعىنا مۇلدە كىرگىزبەي قويعان. ەرلان تولەۋتاي وقيعا ورنىنان بەينە جاريالادى.
«قازاق ۇلتتىق انيماتسيا وكىلدەرى، بىرنەشە بۋىن وكىلدەرى، سۋرەتشىلەر، پروديۋسسەرلەر، رەجيسسەرلەر، جەكە ستۋديالاردىڭ وكىلدەرى بار. قازاق ءفيلمنىڭ الدىنا جينالىپ وتىرمىز. بىردەن ايتىپ كەتۋ كەرەك بۇل ەرەۋىل ەمەس. جينالعان سەبەبىمىز — «قازاقفيلمنىڭ» پرەزيدەنتى مىندەتىن ۋاقىتشا اتقارۋشى ايدار وماروۆ دەگەن كىسىنىڭ مىنا قازاق انيماتسيا شىعارماشىلىق بىرلەستىگىن جاۋىپ، ونى استاناعا كوشىرەمىن دەگەن شەشىمى. بۇل كىمنىڭ شەشىمى؟ ايدار وماروۆتىڭ شەشىمى مە؟ الدە ايدار وماروۆ ايتقانداي مينيستر ايدا بالاەۆانىڭ شەشىمى مە؟ ءبىز وسى سۇراقتارعا جاۋاپ ىزدەپ كەلدىك»، — بەينەجازبادا ءبىر ەر ادام وسىلاي نازىن ايتقان.
نارازى انيماتسيا قىزمەتكەرلەرىنىڭ سوزىنشە، «قازاقفيلمنىڭ» باسشىلارى كەلىسىمشارتتاردى ەلەمەگەن.
«قانشاما ماماندار تۇر؟!. بارلىعى انيماتسيا وكىلدەرى بارلىعى وسىمەن كۇن كورىپ جۇرگەن، انيماتسياعا جانى اشيتىن ادامدار وسى جەردە جينالىپ وتىر. استانادا ەمەس، الماتىدا. جۇمىس ءالى باستالمادى. قاراجاتى، جوسپارى، كەلىسىمشارت، قۇجاتتارى ءبارى دايىن. بىراق وكىنىشكە قاراي مىنە جۇمىس باستالار ەمەس. مىنە ۇجىم بولىپ ايدار وماروۆ دەگەن كىسىنى شاقىرىپ سۇراق قويايىن دەپ وتىرمىز. سول سۇراقتاردىڭ بۇگىن جاۋابىن الماي كەتپەيمىز»، — دەدى ەر ادام.
كينوسى شەتەلدىك بايقاۋدان ءۇش بىردەي جۇلدەنى العان رەجيسسەر ەلزات ەسكەندىر دە ءسوز سويلەگەن.
«مىنەكەي، «قازاقفيلمنىڭ» ۋاقىتشا باسشىسى ايدار وماروۆ باستاعان «سابوتاج» مىنە ءبىر جىل بوپ قالدى. ءالى جالعاسۋدا. بۇل ايدار وماروۆ دەگەن ۋاقىتشا باسشى كينوگەرلەردىڭ قانىن ىشۋدە. ءبىزدىڭ ەڭبەك قۇقىعىمىزدى تاپتاۋدا. «ساموۆولنو» ءىس قىلۋدا. ويىنا كەلگەنىن ىستەۋدە. وسىنداي «بەسپرەدەل»، بىلايشا ايتقاندا «قازاقفيلم» قازىر «ءبانديتيزمنىڭ وشاعىنا اينالىپ وتىر. ويتكەنى ولار ويىنا نە كەلسە سونى ىستەيدى. ايىرام دەسە، جۇمىستان ايىرا سالادى. مىناۋ تۇرعان ەلىمىزدىڭ جاس بۋىن سۋرەتكەرلەرى. انيماتورلارى، رەجيسسەرلەرى، مىنا ارباعا تاڭىلىپ وتىرعان رەجيسسەر اپامىز ءبىزدىڭ. امەن قايداروۆتىڭ زامانداستارى. ولار بۇگىن امەن قايداروۆتىڭ قارا شاڭىراعىن استاناعا مۇنداي ءبانديتتىڭ جولمەن كوشىرىپ اكەتۋىنە قارسى. ءبىز ءبارىمىز قارسىمىز! ايدا بالاەۆا، مىنا ايدار وماروۆ اتتى ورىنباسارىڭدى الىپ كەت بىزدەن! قۇتقار ءبىزدىڭ «قازاق ءفيلمدى»! قۇتقار ءبىزدىڭ انيماتسيانى مىنا سۇمدىقتان!»، — دەدى ەلزات ەسكەندىر.
