الماتىدا كۇزەتشىنى كولىكپەن قاعىپ، اياۋسىز ۇرعان ەر ادامنىڭ اكەسى ەكس-دەپۋتات بولۋى مۇمكىن ەكەنى ايتىلدى. بۇل تۋرالى Kozachkov offside تەلەگرام-ارناسى جازدى، دەپ حابارلايدى «ادىرنا» ءتىلشىسى.
«ەگەر مەنىڭ دەرەككوزدەرىم قاتەلەسپەسە، الماتىلىق كىسى ءولتىرۋشى بۇرىنعى دەپۋتات پەن پروكۋراتۋرا قىزمەتكەرىنىڭ ۇلى بولۋى مۇمكىن. بۇل اسا قاتىگەزدىكپەن ادام ءولتىرۋ مە نەمەسە ابايسىزدا بولعان جايت پا؟»— دەپ جازدى جۋرناليست ميحايل كوزاچكوۆ.
ەسكە سالايىق، بۇعان دەيىن الماتىدا ەر ادامنىڭ تۇرعىن ءۇي كەشەنىنىڭ كۇزەتشىسىن كولىكپەن قاعىپ، ارتىنشا ولىمشە ەتىپ ساباعانىن جازعان ەدىك. قالالىق پوليتسيا دەپارتامەنتى جابىرلەنۋشىنىڭ اۋرۋحانادا قايتىس بولىپ، شابۋىلداعان ەر ادامنىڭ ۇستالعانىن مالىمدەدى. مارقۇمنىڭ ارتىندا 3 بالاسى قالدى.
