بەرىك ابدىعاليۇلى ۇلىتاۋ وبلىسىنىڭ اكىمى لاۋازىمىنان بوساتىلدى، دەپ حابارلايدى “ادىرنا” ۇلتتىق پورتالى.
بەرىك ابدىعاليۇلى 9 قازان كۇنى پرەزيدەنت جارلىعىمەن قىزمەتىنەن بوساتىلدى. ول ۇلىتاۋ وبلىسىنىڭ اكىمى قىزمەتىنە 2022 جىلدىڭ ماۋسىم ايىنان باستاپ كىرىسكەن ەدى.
ابدىعاليۇلى بەرىك 1971 جىلعى 18 قىركۇيەكتە قاراعاندى وبلىسى جەزقازعان كەنتىندە دۇنيەگە كەلگەن.
1994 جىلى ءال - فارابي اتىنداعى قازاق ۇلتتىق ۋنيۆەرسيتەتىن «تاريح» ماماندىعى بويىنشا تامامداعان. ساياساتتانۋ عىلىمدارىنىڭ كانديداتى. 2017 جىلى «وڭىرلىك جانە مۋنيتسيپيالدىق مەنەدجمەنت» ماماندىعى بويىنشا MBA دارەجەسىن رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىندا (ماسكەۋ ق.) قورعاعان.
10 كىتاپتىڭ جانە قازاقستاندىق جانە شەتەلدىك عىلىمي باسىلىمدارداعى 100-دەن استام عىلىمي جاريالانىمداردىڭ اۆتورى.
1994 - 1997 جىلدارى – قر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ (قسزي) عىلىمي قىزمەتكەرى، ىشكى ساياسات ءبولىمىنىڭ مەڭگەرۋشىسى، ديرەكتوردىڭ ورىنباسارى بولىپ قىزمەت ەتتى.
1997 - 1999 جىلدارى قر باسپا جانە بۇقارالىق اقپارات ءىسى جونىندەگى ۇلتتىق اگەنتتىگىندە، قر مادەنيەت، اقپارات جانە قوعامدىق كەلىسىم مينيسترلىگىندە قىزمەت اتقاردى.
1999 - 2001 جىلدارى قر قاۋىپسىزدىك كەڭەسىنىڭ تالداۋ ورتالىعى مەڭگەرۋشىسىنىڭ ورىنباسارى. 2001 - 2002 جىلدارى – قاراعاندى وبلىسى تەمىرتاۋ قالاسى اكىمىنىڭ ورىنباسارى. 2002 - 2005 جىلدارى ۇلتتىق زەرتتەۋلەر ينستيتۋتىنىڭ ديرەكتورى، «ساياسي اعارتۋ قورى» قق پرەزيدەنتى. 2005 - 2006 جىلدارى – «اتامەكەن» كاسىپكەرلەر مەن جۇمىس بەرۋشىلەردىڭ جالپىۇلتتىق وداعىندا كەڭەسشى، «اتامەكەن» ۇلتتىق دامۋ ورتالىعى» جشس ديرەكتورى. 2007 - 2008 جىلدارى – قر پرەزيدەنتى اكىمشىلىگىنىڭ باس ينسپەكتورى، ىشكى ساياسات ءبولىمى مەڭگەرۋشىسىنىڭ ورىنباسارى. 2008 - 2010 جىلدارى – «مەملەكەتتىك ءتىلدى دامىتۋ قورى» قق ديرەكتورى.
2010 - 2012 جىلدارى – قاراعاندى وبلىسى ۇلىتاۋ اۋدانىنىڭ اكىمى، جەزقازعان قالاسىنىڭ اكىمى. 2012 جىلى – 1-ءشى
ۆيتسە - پرەمەردىڭ كەڭەسشىسى.
2012 - 2013 جىلدارى – قوستاناي وبلىسى ارقالىق قالاسىنىڭ اكىمى.
2013 جىلى – قاراعاندى وبلىسى اكىمىنىڭ ورىنباسارى.
2016 - 2017 جىلدارى – قر پرەزيدەنتى جانىنداعى قسزي ديرەكتورىنىڭ كەڭەسشىسى، باس عىلىمي قىزمەتكەر، قر قارۋلى كۇشتەرى اسكەري-تاريحي مۋزەيىنىڭ باس عىلىمي
قىزمەتكەرى.
2017 - 2019 جىلدارى – قر ۇلتتىق مۋزەيىنىڭ «قاسيەتتى قازاقستان» عىلىمي-زەرتتەۋ ورتالىعىنىڭ جەتەكشىسى.
2019 - 2021 جىلدارى - قاراعاندى وبلىسى ۇلىتاۋ اۋدانىنىڭ اكىمى. 2021 - 2022 جىلدارى - VII شاقىرىلىمداعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولعان.
بەرىك ابدىعاليۇلى 2022 جىلى قۇرىلعان جاڭا ايماقتاردىڭ ءبىرى ۇلىتاۋ وبلىسىنا اكىم بولىپ تاعايىندالعان. ەل ىشىندە "اق بەرىك" اتالىپ كەتكەن شەنەۋنىك تۋرالى وسىنداي اتپەن كىتاپ تا شىققان.
