27 ناۋرىز حالىقارالىق تەاتر كۇنىندە جاڭادان قۇرىلعان ASSYLTAS تەاترىنىڭ ءبىر توپ قۇرامى مەترو ۆاگوندارىنا كىرىپ، ءان شىرقادى. تولەگەننىڭ ارياسىن، “قىز جىبەك” وپەراسىنان “گاككۋ” ءانىن ورىنداعان تەاتر ۇجىمىنا حالىق ىقىلاس تانىتىپ، قول سوقتى.
تەاتر ءارتىسى الماس شاياحمەتوۆ ءدۇيىم جۇرتتى قازاق تەاترلارىن قولداۋعا شاقىردى.
“تەاتر ادامداردى بىرىكتىرەدى، ءبىلىم مەن ادەبي كوكجيەكتى كەڭەيتەدى، ءوز ءومىرىمىز جايىندا ويلانىپ، سەزىنۋگە اسەر ەتەتىن ورىن. ءار قازاق تەاترعا بارىپ تۇرۋى قاجەت، سوندا كۇيبەڭ تىرشىلىكتەگى پروبلەمالارىن ءبىر ءسات ۇمىتىپ، رۋحاني بايىپ قايتار ەدى”، - دەدى ا.شاياحمەتوۆ.
ايتا كەتەيىك، ASSYLTAS تەاترى ءۇش اي بۇرىن قۇرىلىپ، “ارەنا” اتتى سپەكتاكلىمەن قازاقستاننىڭ بىرقاتار قالالارىنا گاستروللدىك ساپارمەن بارىپ قايتتى.
