الماتىداعى «اقكەنت» تۇرعىن ءۇي كەشەنىنىڭ زارداپ شەككەن تۇرعىندار ءۇشىن مەكتەپتە تۇنەۋ ۇيىمداستىرىلدى، دەپ حابارلايدى ""ادىرنا" پورتالى قالا اكىمنىڭ ءباسپاسوز قىزمەتىنە سىلتەپ.
«ورتتەن زارداپ شەككەن تۇرعىندارعا جاقىن ماڭداعى ءدامحانادا تاماق بەرىلەدى، زارداپ شەككەن تۇرعىندار 178-ءشى ليتسەي اۋماعىندا تۇنەيدى. ول جەردە الماتى قالالىق قۇتقارۋ قىزمەتى ارقىلى 250 توسەك ورنالاستىرىلدى»، - دەلىنگەن حابارلامادا.
«جەتى كۇن» قوناقۇيىندە 14 ءنومىر بروندالعانى كورسەتىلگەن. اكىمدىكتىڭ حابارلاۋىنشا، ول جاقتا تۇنۋگە ءبىر ادام عانا شەشىم قابىلداعان.
زارداپ شەككەن ءۇيدىڭ جانىنان No54 ءۇيدىڭ الدىندا جەدەل شتاب قۇرىلىپ، تاۋلىك بويى جۇمىس ىستەۋدە. قۇرامىنا توتەنشە جاعدايلار دەپارتامەنتى، پروكۋراتۋرا، ۇقك، اكىمدىك، وبلىستىق قوعامدىق ۇيىم وكىلدەرى كىرەدى.
«زارداپ شەككەن ءۇيدىڭ كىرەبەرىسى مورلەنگەن، تەك ونىڭ تۇرعىندارى عانا ىشكە كىرە الادى. ولاردىڭ كوبى ءۇي الدىندا باق وكىلدەرىنە سۇحبات بەرەدى. اۋداندىق اۋماقتى سانيتارلىق تازالاۋ قىزمەتىنىڭ جۇمىسى جولعا قويىلدى. اۋىز سۋ دا جۇيەلى تۇردە جەتكىزىلىپ، بيواجەتحانالار ورناتىلدى»، - دەدى اكىمدىكتەگىلەر.
زارداپ شەككەندەر ءۇشىن سەنىم تەلەفونى قۇرىلدى: 87071872507, 3989820.
ەسكە سالا كەتەيىك، الماتىدا 16 قاباتتى تۇرعىن ۇيدەگى ورتتەن 250-دەن استام ادامنىڭ ەۆاكۋاتسيالانعانى بەلگىلى. ءورت ساعات 18:46-دا ءسوندىرىلدى.
ۇقساس جاڭالىقتار
