اقتوبە اۋەجايى جۇمىسىن قايتا باستادى. بۇل تۋرالى توتەنشە جاعدايلار مينيسترلىگىنىڭ مالىمدەدى، دەپ حابارلايدى “ادىرنا” ۇلتتىق پورتالى.
كۇندىز وبلىستىڭ قۇتقارۋشىلارى اۋەجايدا سۋدى سورۋ جۇمىستارىن جۇرگىزدى.
"جەرگىلىكتى اتقارۋشى ورگاندار ءوز كەزەگىندە وبلىستىق تاس جولدىڭ ءبىر بولىگىن جاساندى تۇردە جارىپ جىبەردى. بۇل جينالعان ەرىگەن سۋدى اعىزۋعا مۇمكىندىك بەردى. سونىمەن قاتار، بالاما اينالما جول بار", - دەپ اتاپ ءوتتى دەپارتامەنت.
ەسكە سالساق، 27 ناۋرىزدا اقتوبە اۋەجايى رەيستەردى قابىلداۋدى جانە جونەلتۋدى ۋاقىتشا توقتاتتى. ونىڭ سەبەبى – ۇشۋ-قونۋ جولاعىن سۋ باسىپ قالۋى.
