قازاقستاندا جاساندى ينتەللەكت سالدارىنان 2,5 ميلليوننان استام ادام جۇمىسسىز قالۋى مۇمكىن، دەپ حابارلايدى "ادىرنا" ۇلتتىق پورتالى.
جي جانە تسيفرلىق دامۋ ۆيتسە-ءمينيسترى دميتري مۋن مەملەكەتتىك شارالاراعا توقتالدى.
«2029 جىلعا دەيىن 1 ميلليون ازاماتتى جي-مەن جۇمىس ىستەي الاتىنداي قايتا وقىتۋ جوسپارى بار. وقۋ بەينالەرى «Astana Hub» پلاتفورماسىندا قول جەتىمدى»، - دەدى ول.
ەلدە شامامەن 423 كاسىبي توپ تالدانىپ، ونىڭ 25 %-عا جۋىعى، ياعني 2,2-2,5 ملن جۇمىس ورنى جوعارى نەمەسە ورتاشا دارەجەدە اۆتوماتتاندىرۋ قاۋپى بار ەكەنى انىقتالعان. ونىڭ ىشىندە 1 ميلليوننان استام جۇمىس ورنى گەنەراتيۆتىك جي ارقىلى تولىقتاي الماستىرىلۋى ىقتيمال دەلىنەدى.
ەڭ جوعارى تاۋەكەلدە تۇرعاندار قاتارىندا قارجى، اقپاراتتىق تەحنولوگيالار، عىلىم-دەنساۋلىق ساقتاۋ، كرەاتيۆتى جانە قىزمەت كورسەتۋ سالالارى بار.
