وسىدان 94 جىل بۇرىن ياعني 1930 جىلى 27 ناۋرىزدا جەتىسۋدىڭ اقسۋ ايماعى قازاقتارى كەڭەس وكىمەتىنىڭ ۇجىمداستىرۋ ساياساتىنا كارسى كوتەرىلىس جاسادى، دەپ حابارلايدى "ادىرنا" ۇلتتىق پورتالى inform.kz سايتىنا سىلتەپ.
اقسۋ ايماعىنداعى قازاقتاردىڭ قاتارى رەسمي دەرەكتەردە 1 مىڭ ادامعا دەيىن جەتكەن. كوتەرىلىستى ەگەۋبەك جانبايۇلى، قالدىباي قىليۇلى جانە عالي ساتىربايۇلى باسقاردى.
27 ناۋرىز كۇنى كوتەرىلىسشىلەر اقسۋ ەلدى مەكەنىن باسىپ الدى. قارۋ-جاراعى جەتكىلىكسىز كوتەرىلىسشىلەر وكىمەت اسكەرىمەن قاقتىعىستا ويسىراي جەڭىلىپ، بالكاش قالاسى ماڭىنداعى جامان جامال، كۇشىكجان سەكىلدى بۇيرات-قۇم شوعىرلارىن، جىڭعىلدى مەكەندەردى تاسالاپ ءجۇردى. كوتەرىلىسشىلەردىڭ ىزدەرىنە تۇسكەن اتتى اسكەرلەر ولاردى قۇم ىشىندە قىرعىنعا ۇشىراتتى.
