Osydan 94 jyl buryn ıaǵnı 1930 jyly 27 naýryzda Jetisýdyń Aqsý aımaǵy qazaqtary Keńes ókimetiniń ujymdastyrý saıasatyna karsy kóterilis jasady, dep habarlaıdy "Adyrna" ulttyq portaly inform.kz saıtyna siltep.
Aqsý aımaǵyndaǵy qazaqtardyń qatary resmı derekterde 1 myń adamǵa deıin jetken. Kóterilisti Egeýbek Janbaıuly, Qaldybaı Qylıuly jáne Ǵalı Satyrbaıuly basqardy.
27 naýryz kúni kóterilisshiler Aqsý eldi mekenin basyp aldy. Qarý-jaraǵy jetkiliksiz kóterilisshiler ókimet áskerimen qaqtyǵysta oısyraı jeńilip, Balkash qalasy mańyndaǵy Jaman Jamal, Kúshikjan sekildi buırat-qum shoǵyrlaryn, jyńǵyldy mekenderdi tasalap júrdi. Kóterilisshilerdiń izderine túsken atty áskerler olardy qum ishinde qyrǵynǵa ushyratty.
