اۋىل شارۋاشىلىعى ءمينيسترى پيازدىڭ شىرۋىنە قاتىستى مالىمدەمە جاسادى، دەپ حابارلايدى "ادىرنا" ۇلتتىق پورتالى.
مينيستر ۇكىمەت وتىرىسىنان كەيىنگى بريفينگتە بۇرىن-سوڭدى پيازدىڭ مۇنداي كولەمدە ءشىرۋىنىڭ بولماعانىن اتاپ ءوتتى.
“شىنىندا دا الدىڭعى جىلدارى پياز باعاسى قىمباتتاپ كەتىپ، شارۋاشىلىقتار اينالىسا باستادى. جالپى الەمدە ونىڭ باعاسى تومەن ءتۇسىپ كەتتى. ويتكەنى ەكسپورت تا تومەندەدى. الدىڭعى جىلى 180 مىڭدى ەكسپورتقا جىبەرەتىن بولساق، بيىل 117 مىڭ عانا. ەكسپورتىمىز 70 مىڭعا تومەندەدى. ىشكى سۇرانىس تا ازايدى. سوندىقتان باعا تومەندەپ كەتتى. وسىعان قاراماستان جۇمىس اتقارىلىپ جاتىر. ساۋدا جانە ينتەگراتسيا، كولىك مينيسترلىكتەرىمەن بىرگە جۇمىس ىستەيمىز. قازىر بۇل پيازدىڭ 160 مىڭىن ساتۋ كەرەك. گرۋزيا، ازەربايجانمەن كەلىسىمشارت بار", - دەدى ايداربەك ساپاروۆ.
جەلىدە پيازدىڭ جاپپاي ءشىرۋى، ودان قالسا تەگىن تاراتىلىپ جاتقان ۆيدەوسى تاراعان بولاتىن. بەلسەندىلەر ەلىمىزدىڭ اۋىل شارۋاشىلىق مينيسترلىگىنە ۇندەۋ جولداعان ەدى.
