كوكشەتاۋدا بىرلىك شاعىن اۋدانىنداعى №22 مەكتەپتىڭ جەرتولەسى ەرىگەن قار سۋىنا تولىپ قالدى. بۇل تۋرالى الەۋمەتتىك جەلىدە ۆيدەو جاريالاندى، دەپ حابارلايدى “ادىرنا” ۇلتتىق پورتالى قازاقپاراتقا سىلتەمە جاساپ.
كەشە ساعات 22:10-دا جەرتولەدەگى سۋ سورىلىپ سىرتقا اعىزىلعان. سۋ سورۋ جۇمىستارىنا 10-عا جۋىق تەحنيكا تارتىلىپ، بارلىق ەلەكتر قۇرىلعىلارى شاعىن ورتالىقتا جەلىدەن اجىراتىلدى. بۇل تۋرالى كوكشەتاۋ قالالىق ءبىلىم ءبولىمىنىڭ باسشىسى ايگۇل نوگەرتاەۆانىڭ ايتتى.
«ەندى تاۋلىك بويى كەزەكشىلىك قويامىز. ءتۇنى بويى مەكتەپ اۋلاسىندا بولدىق. اكىمدىك ەرگىن قار سۋىنىڭ مەكتەپ اۋلاسىنا كىرگىزبەۋگە بار كۇشىن سالۋدا. قازىر مەكتەپتىڭ جەرتولەلەرىندە سۋ جوق. جۇك كولىكتەرىمەن قۇم تاسىمالدانۋدا»، - دەپ جاۋاپ قاتتى Kazinform ءتىلشىسىڭ ساۋالىنا ايگۇل نوگەرتاەۆا.
ايتۋىنشا، ءبىر تۇندە 40-قا جۋىق ماشينا سۋ سورىلىپ، 10 ماشيناعا جۋىق قار شىعارىلدى. ءدال قازىر قالا بويىنشا جاعداي تۇراقتى. كوكشەتاۋ قالاسىنداعى بارلىق مەكتەپتەر مەن بالاباقشالاردىڭ كوكتەمگى سۋ تاسقىنىنا دايىندىعى بويىنشا اقپارات جيناستىرىلۋدا.
اۋماقتىق تجد مالىمەتىنشە، بىرلىك شاعىن اۋدانىنداعى №22 مەكتەپتىڭ جەرتولەسىندەگى سۋدى سورۋعا «كوكشە-تازالىق» جشس اتسالىسقان.
«سۋ جەرتولەگە تارتىلعان ەلەكتر سىمدارىنىڭ ساڭىلاۋلارى ارقىلى اققان. قازىرگى ۋاقىتتا سۋدىڭ اعۋى توقتاتىلدى، - دەدى ۆەدومستۆودان.
