وقۋ-اعارتۋ ءمينيسترى قازاق تىلىنەن ەمتيحان تاپسىرا الماعاندارعا نە بولاتىنىن ايتتى، دەپ حابارلايدى "ادىرنا" ۇلتتىق پورتالى.
ۇكىمەت بريفينگىندە عاني بەيسەمباەۆ مىندەتتى ەمتيحاننان وتە الماعان جاعدايدا وقۋشىلاردىڭ قۇقىعىنا ەشتەڭە بولمايتىنىن ايتتى. ەمتيحان ناتيجەسى بالاعا كەلەسى سىنىپقا وتۋىنە، ليتسەيگە نەمەسە گيمنازياعا اۋىسۋىنا اسەر ەتپەيدى.
"ەمتيحان قازاق ءتىلىن وقىتۋدىڭ ساپاسىن ارتتىرۋ ماقساتىندا وتكىزىلىپ جاتقان شارالاردىڭ ءبىرى ەكەنىن اتاپ وتكىم كەلەدى. بۇل ەڭ ماڭىزدىسى ەمەس، ەمتيحاننىڭ ناتيجەسى باعاعا نەمەسە ونى باسقا سىنىپقا اۋىستىرىلۋىنا اسەر ەتپەۋى كەرەك", – دەدى مينيستر.
ەمتيحاننان سۇرىنگەن جاعدايدا وقۋشى سول سىنىپتى قايتا وقىمايدى. كەلەسى سىنىپقا كوشەتىنى ايتىلدى.
"بۇل ەمتيحان – قازاق ءتىلىن جەتىلدىرۋگە باعىتتالعان شارا. ول بيىل ەنگىزىلىپ جاتىر، سوندىقتان مەن بۇل ەمتيحاندى جوعارى دەڭگەيدە وتكىزۋدى بۇيىردىم. الايدا ەمتيحان بالالاردىڭ قۇقىعىن بۇزباۋعا تيىس", – دەدى بەيسەمباەۆ.
