فرانتسيا مەملەكەتتىك مەكتەپتەرى ابايا كيىمىنە تىيىم سالدى، دەپ حابارلايدى “ادىرنا” ءتىلشىسى.
فرانتسياداعى ءبىلىم ءبولىمىنىڭ باسشىسى گابريەل اتتال ابايا كيۋگە تىيىم سالعان. ۇزىن ءارى جابىق كيىمنىڭ زايىرلى زاڭدارعا قايشى كەلەتىنىمەن ءتۇسىندىردى. بۇل ەلدە 2004 جىلدان بەرى مەكتەپتەردە ورامال تاعۋعا تىيىم سالىنعانى تاعى بار.
"سىنىپقا كىرگەندە، ستۋدەنتتەردىڭ ءدىنىن ولارعا قاراپ ايتا الماۋ كەرەك. سوندىقتان مەن ەندى ابايا كيۋگە بولمايدى دەپ شەشتىم", - دەپ حابارلادى اتتال.
ءبىلىم ءمينيسترىنىڭ بۇل جارلىعى 4 قىركۇيەكتەن باستاپ كۇشىنە ەنبەك.
تىيىم سالۋ تۋرالى شەشىم بىرنەشە ايعا سوزىلعان پىكىرتالاستان كەيىن قابىلدانىپ وتىر. وعان مەكتەپ وقۋشىلارىنىڭ ساباققا ابايامەن كەلە باستاعانى سەبەپ بولدى. فرانتسيادا كيىمنىڭ سالدارىنان ساياسي ءبولىنۋ تۋعان.
