بىرقاتار كۇدىكتى بار، ولاردىڭ ارقايسىسىنىڭ ارەكەتىنە قۇقىقتىق باعا بەرىلەدى.
قر ىشكى ىستەر ءمينيسترى ەرلان تۇرعىمباەۆ تەڭىزدەگى جاعدايعا بايلانىستى بىرنەشە قىلمىستىق ءىس قوزعالعانىن ايتتى، دەپ حابارلايدى Zakon.kz ءتىلشىسى.
– دەنە جاراقاتىن سالۋ مەن بۇزاقىلىق بويىنشا بىرنەشە قىلمىستىق ءىس قوزعالدى، – دەدى ول.
ونىڭ سوزىنشە، ءاربىر قىلمىس قۇرامى بويىنشا ناقتى قاتىسۋشىلار بار.
– ءبىر كۇدىكتى ۇستالدى، تاعى بىرنەشە ادام كۇدىكتىلەر تىزىمىندە بار. ارقايسىسىنىڭ جاۋاپكەرشىلىگى قاتىسۋىنا بايلانىستى انىقتالادى، – دەپ ناقتىلادى مينيستر.
– قانشا ادام جاۋاپقا تارتىلادى؟
– ناقتى قانشا ادام ەكەنىن ازىرگە ايتا المايمىن. تەرگەۋ اياقتالعان سوڭ ايتامىن.
– تەڭىزدە پوليتسەيلەردىڭ ارالاسۋىمەن شەتەلدىكتەردى اكەتىپ جاتقان ۆيدەو ءجۇر. ول راس پا؟
– ەشكىمدى ءالى اكەتكەن جوق، ولار جۇمىس ىستەپ جاتىر.
