Birqatar kúdikti bar, olardyń árqaısysynyń áreketine quqyqtyq baǵa beriledi.
QR Ishki ister mınıstri Erlan Turǵymbaev Teńizdegi jaǵdaıǵa baılanysty birneshe qylmystyq is qozǵalǵanyn aıtty, dep habarlaıdy Zakon.kz tilshisi.
– Dene jaraqatyn salý men buzaqylyq boıynsha birneshe qylmystyq is qozǵaldy, – dedi ol.
Onyń sózinshe, árbir qylmys quramy boıynsha naqty qatysýshylar bar.
– Bir kúdikti ustaldy, taǵy birneshe adam kúdiktiler tiziminde bar. Árqaısysynyń jaýapkershiligi qatysýyna baılanysty anyqtalady, – dep naqtylady mınıstr.
– Qansha adam jaýapqa tartylady?
– Naqty qansha adam ekenin ázirge aıta almaımyn. Tergeý aıaqtalǵan soń aıtamyn.
– Teńizde polıeılerdiń aralasýymen sheteldikterdi áketip jatqan vıdeo júr. Ol ras pa?
– Eshkimdi áli áketken joq, olar jumys istep jatyr.
