استانا قالاسىنداعى «جەكپە-جەك» سارايىندا Maqsut Narikbayev University ءوزىنىڭ 30 جىلدىعىنا وراي سالتاناتتى ءىس-شارا وتكىزدى. بۇل ماڭىزدى وقيعا ۋنيۆەرسيتەتتىڭ بۇرىنعى جانە قازىرگى پروفەسسورلارىن، وقىتۋشىلارىن، تۇلەكتەرىن جانە قىزمەتكەرلەرىن بىرىكتىردى. اتالعان مەرەكەلىك ءىس-شاراعا 5 مىڭنان استام قوناق قاتىستى. ال كەشتىڭ حەدلاينەرلەرى قازاقستاندىق ەسترادا جۇلدىزدارى Raim جانە كalifarniya بولدى.
سونداي-اق كەش باعدارلاماسى اياسىندا – ۋنيۆەرسيتەت تۋىنىڭ اشىلۋ ءراسىمى ءوتتى. تۋدىڭ اۋدانى 850 شارشى مەتردى قۇرادى، اتالعان اتريبۋت ۋنيۆەرسيتەتتىڭ ءبىلىم بەرۋ جانە قوعامدىق كەڭىستىكتەگى كۇشى مەن ماڭىزدىلىعىن كورسەتتى.
شارا اياسىندا مەكتەپتەر اراسىندا جارىستىق دودا وتكىزىلدى. بۇل سايىستا ۋنيۆەرسيتەتتەگى ءتورت مەكتەپ جانە اكىمشىلىك-باسقارۋ پەرسونالى «ۋنيۆەرسيتەتتى ۇزدىك قۇتتىقتاۋ» اتاعى ءۇشىن ءوزارا تالاستى.
بۇگىن ءبىز ۋنيۆەرسيتەتىمىزدىڭ 30 جىلدىق مەرەيتويىنا ورايلاستىرعان وتە ماڭىزدى وقيعاعا جينالدىق. 30 جىل وتە از سياقتى كورىنگەنىمەن، ءبىزدىڭ قىزمەتكەرلەر، وقىتۋشىلار جانە تۇلەكتەرىمىزدىڭ ارقاسىندا ۋنيۆەرسيتەتىمىز ەلەۋلى ناتيجەگە جەتىپ، ۇلكەن جولدان وتتىك. وزدەرىڭىز بىلەتىندەي، ءبىزدىڭ باستى ميسسيامىز – ەل مۇددەسىنە قىزمەت ەتۋ. وسى ورايدا اتالعان قاعيداتىمىزدى ورىنداۋ ءۇشىن قاجىرلى ەڭبەك ەتكەن ءاربىر MNU مۇشەسىنە شىن جۇرەكتەن العىسىمدى بىلدىرەمىن»، - دەدى باسقارما توراعاسى تالعات نارىكباەۆ.
ايتا كەتۋ كەرەك، قاتىسۋشىلار بۇل شاراعا ءۇش اي بويى دايىندالعان. ۋنيۆەرسيتەتتى ۇزدىك قۇتتىقتاۋ بايقاۋىندا جوعارى قۇقىق مەكتەبى جەڭىسكە جەتتى. ستۋدەنتتەر مەن وقىتۋشىلاردىڭ بىرلەسە ۇسىنعان شىعارماشىلىق ونەرلەرى قازىلار القاسىنىڭ جوعارى باعاسىنا يە بولدى.
Maqsut Narikbayev University تاريحى 1994 جىلى 14 ناۋرىزدان باستاۋ الادى. وسى ۋاقىت ىشىندە ۋنيۆەرسيتەت ءوز ميسسياسىنا ساي، ياعني قازاقستان حالقىنا قىزمەت ەتۋدى باستى قاعيداتى سانايتىن 40 مىڭعا جۋىق بىلىكتى ماماندار دايىنداپ شىعاردى. Maqsut Narikbayev University قازاقستاندا ءبىلىم بەرۋدىڭ حالىقارالىق دەڭگەيىن ۇسىنا وتىرىپ، ەلىمىزدىڭ ۋنيۆەرسيتەتتەرى اراسىندا كوش باستاپ تۇر. 30 جىل ىشىندە ۋنيۆەرسيتەت بىرنەشە ءىرى جەتىستىكتەرگە قول جەتكىزدى. اتاپ ايتقاندا، تمد-دا ءبىرىنشى بولىپ QAA اككرەديتاتسياسىنا يە بولدى، ACCA, CFA, CIMA, TOLES سەرتيفيكاتتارىن الدى، سونداي-اق BIG4-تە جۇمىسپەن قامتۋ بويىنشا ۇزدىك توپ-5 ۋنيۆەرسيتەت قۇرامىنا ەندى. ونىمەن قوسا، ۋنيۆەرسيتەتتىڭ ءبىلىم بەرۋ باعدارلامالارىنىڭ كوپشىلىگى FIBAA حالىقارالىق اگەنتتىگىمەن اككرەديتتەلگەن.
