بيىل قازاقتىڭ حالىق اندەرىن ورىنداۋشىلار مەكتەبىنىڭ جارقىن وكىلى، جازۋشى، قازكسر ەڭبەك سىڭىرگەن ءارتىسى جانىبەك كارمەنوۆتىڭ تۋعانىنا 75 جىل تولىپ وتىر، دەپ حابارلايدى «ادىرنا» ءتىلشىسى.
جانىبەك كارمەنوۆ 1949 جىلى 22 ناۋرىزدا قازىرگى اباي وبلىسى، اباي اۋدانى، قاراۋىل اۋىلىندا دۇنيەگە كەلگەن. الماتى ەسترادا-تسيرك ونەرى ستۋدياسىنىڭ (قازىرگى كوللەدج) انشىلىك ءبولىمىن، ودان كەيىن قازاق مەملەكەتتىك ۋنيۆەرسيتەتىن بىتىرگەن.
ول "ونەر" باسپاسىندا رەداكتور، الماتى مەملەكەتتىك كونسەرۆاتورياسىندا حالىق اندەرى كافەدراسىنىڭ مەڭگەرۋشىسى بولىپ قىزمەت اتقاردى. قازاق راديوسى مەن تەلەۆيزياسى ارقىلى حالىق انشىلەرى مەن انشىلىك ءداستۇر جايىندا حابارلار جۇرگىزدى.
جانىبەك كارمەنوۆ وزىندىك ءان ورىنداۋشىلىعىمەن ەرەكشە كوزگە ءتۇستى. ونەر تاقىرىبىنا ارنالعان «اقىلبايدىڭ ءانى»، «عاشىقتىڭ ءتىلى»، «ماحاببات ءانى» سىندى بىرنەشە كىتابى بار
1984 جىلى كونتسەرتتىك-ورىنداۋشىلىق، زەرتتەۋ قىزمەتتەرى جانە جاستار اراسىندا حالىق ونەرىن ناسيحاتتاۋداعى جۇمىستارى ءۇشىن وعان قازاقستان لەنين كومسومولى سىيلىعى بەرىلدى. 1996 جىلى ونىڭ ەسىمى قاراۋىل اۋىلىنداعى مۋزىكا مەكتەبىنە بەرىلدى.
