Bıyl qazaqtyń halyq ánderin oryndaýshylar mektebiniń jarqyn ókili, jazýshy, QazKSR eńbek sińirgen ártisi Jánibek Kármenovtiń týǵanyna 75 jyl tolyp otyr, dep habarlaıdy «Adyrna» tilshisi.
Jánibek Kármenov 1949 jyly 22 naýryzda qazirgi Abaı oblysy, Abaı aýdany, Qaraýyl aýylynda dúnıege kelgen. Almaty estrada-ırk óneri stýdııasynyń (qazirgi kolledj) ánshilik bólimin, odan keıin Qazaq memlekettik ýnıversıtetin bitirgen.
Ol "Óner" baspasynda redaktor, Almaty memlekettik konservatorııasynda halyq ánderi kafedrasynyń meńgerýshisi bolyp qyzmet atqardy. Qazaq radıosy men televızııasy arqyly halyq ánshileri men ánshilik dástúr jaıynda habarlar júrgizdi.
Jánibek Kármenov ózindik án oryndaýshylyǵymen erekshe kózge tústi. Óner taqyrybyna arnalǵan «Aqylbaıdyń áni», «Ǵashyqtyń tili», «Mahabbat áni» syndy birneshe kitaby bar
1984 jyly konerttik-oryndaýshylyq, zertteý qyzmetteri jáne jastar arasynda halyq ónerin nasıhattaýdaǵy jumystary úshin oǵan Qazaqstan Lenın komsomoly syılyǵy berildi. 1996 jyly onyń esimi Qaraýyl aýylyndaǵy mýzyka mektebine berildi.
