Biyl qazaqtyŋ halyq änderın oryndauşylar mektebınıŋ jarqyn ökılı, jazuşy, QazKSR eŋbek sıŋırgen ärtısı Jänıbek Kärmenovtıŋ tuǧanyna 75 jyl tolyp otyr, dep habarlaidy «Adyrna» tılşısı.
Jänıbek Kärmenov 1949 jyly 22 nauryzda qazırgı Abai oblysy, Abai audany, Qarauyl auylynda düniege kelgen. Almaty estrada-sirk önerı studiiasynyŋ (qazırgı kolledj) änşılık bölımın, odan keiın Qazaq memlekettık universitetın bıtırgen.
Ol "Öner" baspasynda redaktor, Almaty memlekettık konservatoriiasynda halyq änderı kafedrasynyŋ meŋgeruşısı bolyp qyzmet atqardy. Qazaq radiosy men televiziiasy arqyly halyq änşılerı men änşılık dästür jaiynda habarlar jürgızdı.
Jänıbek Kärmenov özındık än oryndauşylyǧymen erekşe közge tüstı. Öner taqyrybyna arnalǧan «Aqylbaidyŋ änı», «Ǧaşyqtyŋ tılı», «Mahabbat änı» syndy bırneşe kıtaby bar
1984 jyly konserttık-oryndauşylyq, zertteu qyzmetterı jäne jastar arasynda halyq önerın nasihattaudaǧy jūmystary üşın oǧan Qazaqstan Lenin komsomoly syilyǧy berıldı. 1996 jyly onyŋ esımı Qarauyl auylyndaǧy muzyka mektebıne berıldı.
