ەكس-مينيستر قۋاندىق بيشىمباەۆ ايەلىن ولتىرگەنى ءۇشىن باس بوستاندىعىنان ايىرىلدى. پروكۋرور سوتتالۋشىنىڭ مەرزىمىنە قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
سالتانات نۇكەنوۆانى ولتىرگەنى ءۇشىن ەكس-مينيستر بيشىمباەۆ 24 جىلعا تۇرمەگە قامالدى.
پروكۋرور ايجان ايماعانوۆا 24 جىل - تاعايىندالعان ايىپتارعا سايكەس ەڭ جوعارعى جازا ەكەنىن ايتتى. نەگىزىنەن جابىرلەنۋشى تاراپ "ادام ءولتىرۋ" بابى بويىنشا 20 جىل، "ازاپتاۋ" بابى بويىنشا 7 جىل تاعايىنداۋدى سۇراعان.
"24 جىل دەگەن - ەڭ اۋىر جازا. سوڭعى 5 جىلداعى تاجىريبەگە سايكەس، القابيلەردىڭ قاتىسۋىمەن وتكەن سوتتا اتالعان ساناتتاعى ىستەر بويىنشا ءومىر بويىنا باس بوستاندىعىنان ايىرۋ جازاسى مۇلدە قولدانىلماعان", - دەيدى ايجان ايماعانوۆا.
سوتتالعان قۋاندىق بيشىمباەۆ جازاسىن ەلوردا ىرگەسىندەگى قاتاڭ رەجيمدەگى كولونيادا وتەمەك.
