بۋكينگەم سارايى ءىىى چارلز قايتىس بولدى دەگەن اقپاراتتى جوققا شىعارادى، دەپ حابارلايدى “ادىرنا” ۇلتتىق پورتالى.
«ۇلىبريتانيا كورولى III ءچارلزدىڭ قايتىس بولعانى تۋرالى باق پەن الەۋمەتتىك جەلىلەردە پايدا بولعان اقپارات شىندىققا سايكەس كەلمەيدى. مونارح ءتىرى جانە جۇمىس مىندەتتەرىن ورىنداۋدى جالعاستىرۋدا»، دەدى بۋكينگەم سارايى. ماسكەۋدەگى ۇلىبريتانيا ەلشىلىگى دە تەرىسكە شىعاردى.
كورول III چارلز 17 ناۋرىزدا قايتىس بولدى دەگەن اقپارات بىرقاتار رەسەيلىك باق پەن Telegram ارنالارىندا پايدا بولدى. جاريالانىمدار جالعان بولىپ شىققان بۋكينگەم سارايىنىڭ رەسمي مالىمدەمەسىنىڭ سكرينشوتىمەن بىرگە ءجۇردى. دەگەنمەن، بريتاندىق باق مۇنداي حابارلاردى جاريالاماعانىن ايتتى.
ايتا كەتەيىك، بيىل اقپان ايىندا 75 جاستاعى ءىىى چارلز قاتەرلى ىسىككە شالدىققانى حابارلاندى. دارىگەرلەر ءىىى چارلز-عا كوپشىلىك شارالاردى كەيىنگە قالدىرۋعا كەڭەس بەردى. پاتشا «تۇراقتى ەمدەلە» باستادى.
مونارح قايتىس بولعان جاعدايدا «مەناي كوپىرى» دەپ اتالاتىن جوسپار ازىرلەنەدى. ەلدەگى بيلىك تاق مۇراگەرى حانزادا ۋيليامعا بەرىلەدى.
سونداي-اق، مونارحتىڭ 17 ناۋرىزدا ولگەنى تۋرالى اقپاراتتى رەسەيلىك باق-تار جاريالاعان دەگەن مالىمەت تاراۋدا. ايتا كەتسەك، كەشە رەسەيدە پرەزيدەنتتىك سايلاۋ وتكەن بولاتىن.
