جالعان اقپاراتتىڭ تارالۋى جيىلەدى

سوڭعى ۋاقىتتا ونلاين-پلاتفورمالاردا جالعان اقپاراتتىڭ تارالۋ دەرەكتەرى تىركەلدى.

وسىنداي جاريالانىمداردان كەيىن «Orda» اقپاراتتىق-تالداۋ ارناسىنىڭ باس رەداكتورى گ.ا.  باجكەنوۆاعا قالا پروكۋراتۋراسى قازاقستان رەسپۋبليكاسىنىڭ «ماسس-مەديا تۋرالى» زاڭىنىڭ تالاپتارىن اۋىزشا جانە جازباشا تۇردە ءتۇسىندىردى.

سونىمەن قاتار ول ەل زاڭدارىن بۇزۋدىڭ جول بەرىلمەيتىنى جانە قاساقانا جالعان اقپارات تاراتقانى ءۇشىن قازاقستان رەسپۋبليكاسى قىلمىستىق كودەكسىنىڭ 274-بابى 2-بولىگىنىڭ 3-تارماعىنا سايكەس 3 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەنى تۋرالى قاتاڭ ەسكەرتىلدى.

سونداي-اق ازاماتتى سىبايلاس جەمقورلىق، اۋىر نەمەسە اسا اۋىر قىلمىس جاسادى دەپ قاساقانا جالعان ايىپتاۋ دەرەكتەرى بويىنشا قازاقستان رەسپۋبليكاسى قىلمىستىق كودەكسىنىڭ 419-بابى 3-بولىگىنە سايكەس 8 جىلعا دەيىنگى مەرزىمگە باس بوستاندىعىنان ايىرۋ تۇرىندەگى قىلمىستىق جاۋاپتىلىق قاراستىرىلاتىنى ءتۇسىندىرىلدى.

وسىعان بايلانىستى قالا پروكۋراتۋراسى ازاماتتاردى جانە بۇقارالىق اقپارات قۇرالدارىن قازاقستان رەسپۋبليكاسىنىڭ زاڭدارىن قاتاڭ ساقتاۋعا شاقىرادى جانە قوعامدىق ورتادا، ونىڭ ىشىندە بۇقارالىق اقپارات قۇرالدارىندا جالعان، شىندىققا سايكەس كەلمەيتىن مالىمەتتەردى تاراتپاۋعا قاتاڭ تۇردە شاقىرادى.