Býkıngem saraıy III Charlz qaıtys boldy degen aqparatty joqqa shyǵarady, dep habarlaıdy “Adyrna” ulttyq portaly.
«Ulybrıtanııa koroli III Charlzdiń qaıtys bolǵany týraly BAQ pen áleýmettik jelilerde paıda bolǵan aqparat shyndyqqa sáıkes kelmeıdi. Monarh tiri jáne jumys mindetterin oryndaýdy jalǵastyrýda», dedi Býkıngem saraıy. Máskeýdegi Ulybrıtanııa elshiligi de teriske shyǵardy.
Korol III Charlz 17 naýryzda qaıtys boldy degen aqparat birqatar reseılik BAQ pen Telegram arnalarynda paıda boldy. Jarııalanymdar jalǵan bolyp shyqqan Býkıngem saraıynyń resmı málimdemesiniń skrınshotymen birge júrdi. Degenmen, brıtandyq BAQ mundaı habarlardy jarııalamaǵanyn aıtty.
Aıta keteıik, bıyl aqpan aıynda 75 jastaǵy III Charlz qaterli isikke shaldyqqany habarlandy. Dárigerler III Charlz-ǵa kópshilik sharalardy keıinge qaldyrýǵa keńes berdi. Patsha «turaqty emdele» bastady.
Monarh qaıtys bolǵan jaǵdaıda «Menaı kópiri» dep atalatyn jospar ázirlenedi. Eldegi bılik taq murageri hanzada Ýılıamǵa beriledi.
Sondaı-aq, monarhtyń 17 naýryzda ólgeni týraly aqparatty reseılik BAQ-tar jarııalaǵan degen málimet taraýda. Aıta ketsek, keshe Reseıde prezıdenttik saılaý ótken bolatyn.
