قازاقستاندا مۇناي ءوندىرۋ دەڭگەيى ءوستى دەگەن اقپارات شىندىققا جاناسپايدى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
مينيسترلىكتىڭ مالىمەتىنشە، تامىز ايىندا مۇناي ءوندىرۋ كولەمى تاۋلىگىنە 1,712 ملن باررەلدى قۇراعان. بۇل كورسەتكىش شىلدە ايىمەن سالىستىرعاندا تاۋلىگىنە 48 مىڭ باررەلگە تومەن.
«ەنەرگەتيكا مينيسترلىگى كەيبىر بۇقارالىق اقپارات قۇرالدارىندا جاريالانعان ەلىمىزدە مۇناي ءوندىرۋ دەڭگەيى تامىزدا وتكەن ايمەن سالىستىرعاندا ارتتى دەگەن اقپاراتتى تۇبەگەيلى جوققا شىعارادى»،– دەلىنگەن حابارلامادا.
ۇقساس جاڭالىقتار
