شىلدە ايىندا سينوپتيكالىق جاعدايدىڭ ءجيى وزگەرۋى بولجانادى: باتىس انتيتسيكلونداردىڭ ەنۋى وڭتۇستىك تسيكلونداردىڭ شىعۋىمەن اۋىستىرىلادى. "ايدىڭ باسىندا سولتۇستىك وڭىرلەرگە سكانديناۆيا اۋداندارىنان تسيكلون ىعىسادى، ونىمەن بىرگە داۋىلدى جەل سوعادى، جاڭبىر، كەي جەرلەردە قاتتى جاڭبىر بولجانادى، سونداي-اق بۇرشاق، نايزاعاي جانە داۋىل تۇرىندەگى كونۆەكتيۆتى قۇبىلىستار كۇتىلەدى. ەلدىڭ سولتۇستىگىندە، سولتۇستىك-باتىسىندا جانە ورتالىعىندا اۋا تەمپەراتۋراسى كۇندىز +17+26ºس-قا دەيىن تومەندەۋى بولجانادى. وڭتۇستىكتە قاتتى ىستىقتان كەيىن اۋا تەمپەراتۋراسى +25+33ºس-قا دەيىن تومەندەۋىمەن قاتار نوسەر جاڭبىر جاۋادى. ءبىرىنشى ونكۇندىكتىڭ سوڭىنا قاراي اۋا تەمپەراتۋراسى بىرتىندەپ جوعارىلاي باستايدى", - دەيدى ماماندار. ال ەكىنشى جانە ءۇشىنشى ونكۇندىكتەردە سىناپ باعانالارى سولتۇستىك، ورتالىق پەن شىعىستا تۇندە +10+15ºس-تان +15+20ºس-قا دەيىن، كۇندىز +25+30ºس-تان +30+38-قا دەيىن اۋىتقيدى; رەسپۋبليكانىڭ وڭتۇستىك، وڭتۇستىك-شىعىس جانە باتىسىندا تۇندە +15+20ºس-تان+20+30ºس-قا دەيىن، كۇندىز +30+38ºس-تان +35+45ºس-قا دەيىن اۋىتقيتىنى ايتىلادى.
دەرەككوز: kaz.tengrinews.kz
"ادىرنا" ۇلتتىق پورتالى
