Shilde aıynda sınoptıkalyq jaǵdaıdyń jıi ózgerýi boljanady: batys antııklondardyń enýi ońtústik ıklondardyń shyǵýymen aýystyrylady. "Aıdyń basynda soltústik óńirlerge Skandınavııa aýdandarynan ıklon yǵysady, onymen birge daýyldy jel soǵady, jańbyr, keı jerlerde qatty jańbyr boljanady, sondaı-aq burshaq, naızaǵaı jáne daýyl túrindegi konvektıvti qubylystar kútiledi. Eldiń soltústiginde, soltústik-batysynda jáne ortalyǵynda aýa temperatýrasy kúndiz +17+26ºS-qa deıin tómendeýi boljanady. Ońtústikte qatty ystyqtan keıin aýa temperatýrasy +25+33ºS-qa deıin tómendeýimen qatar nóser jańbyr jaýady. Birinshi onkúndiktiń sońyna qaraı aýa temperatýrasy birtindep joǵarylaı bastaıdy", - deıdi mamandar. Al ekinshi jáne úshinshi onkúndikterde synap baǵanalary soltústik, ortalyq pen shyǵysta túnde +10+15ºS-tan +15+20ºS-qa deıin, kúndiz +25+30ºS-tan +30+38-qa deıin aýytqıdy; respýblıkanyń ońtústik, ońtústik-shyǵys jáne batysynda túnde +15+20ºS-tan+20+30ºS-qa deıin, kúndiz +30+38ºS-tan +35+45ºS-qa deıin aýytqıtyny aıtylady.
Derekkóz: kaz.tengrinews.kz
"Adyrna" ulttyq portaly
