ۇلتتىق قۇرىلتايدىڭ ءتورتىنشى وتىرىسى كوكشەتاۋدا وتەدى، دەپ حابارلايدى "ادىرنا" ءتىلشىسى.
بۇل تۋرالى مەملەكەت باسشىسى قاسىم-جومارت توقاەۆ مالىمدەدى.
"شىن مانىندە، مۇنداي القالى جيىنداردى ايماقتاردا وتكىزۋدىڭ ءمان-ماڭىزى زور. سول ارقىلى وبلىستاردىڭ دامۋىنا تىڭ سەرپىن بەرەمىز. وسى ءۇردىس الداعى ۋاقىتتا دا جالعاسىن تابادى. ايگىلى قاسىم حان سارايشىقتا، ابىلاي حان بۋرابايدا ورداسىن تىككەنى بەلگىلى. ەسىلدىڭ بويىندا كەنەسارى حان مەملەكەتتىگىمىزدى ساقتاپ قالۋ ءۇشىن تالاي جورىققا شىققان. بۇل ايماق ءتول شەجىرەمىزدە ايرىقشا ورىن الادى. سوندىقتان ۇلتتىق قۇرىلتايدىڭ ءتورتىنشى وتىرىسىن كەلەسى جىلى كوكشەتاۋدا وتكىزۋدى ۇسىنامىن", - دەدى توقاەۆ.
ەسكە سالا كەتەيىك، ۇلتتىق قۇرىلتايدىڭ العاشقى وتىرىسى 16 ماۋسىمدا جاڭادان قۇرىلعان ۇلىتاۋ وبلىسىندا وتكەن. ال ەكىنشى وتىرىسى تۇركىستاندا وتسە، ءۇشىنشى وتىرىسى اتىراۋدا بولدى.
