قولدانبالى ەتنوساياسي زەرتتەۋلەر ينستيتۋتىنىڭ باسشىسى تالعات قاليەۆ ءماجىلىستىڭ قۇرامىنا كوڭىلى تولاتىنىن «ادىرنا» ۇلتتىق پورتالىن ايتىپ بەردى.
ايتۋىنشا، قازىرگى ءماجىلىستىڭ قۇرامى 80-90% جاڭادەپۋتتاردان تۇرادى. ولاردىڭ ءالى جۇمىسىن كورمەسە دە، جاڭا قۇرامعا كوڭىلى تولاتىنىن دا جاسىرمادى.
«جاڭا ءماجىلىستىڭ سترۋكتۋراسىن قوعامدىق كەڭەس ارقىلى قابىلداعان بولاتىنبىز. ءبىرتالاي پىكىر الماسىپ، ارالاس موجاريتارلىق، پروپورتسيونالدىق سيستەمامەن سايلانادى دەگەن شەشىمگە كەلىپ ەدىك. پرەزيدەنت توقاەۆ شەشىمىن جاريالاعان ەدى. سوندىقتان جالپى ءماجىلىستىڭ قۇرامى مەنى قاناعاتتاندىرادى. سايلاۋ وتكەن سون، ناتيجەسىن قاراعاندا جاستار كوپ بولدى. ول جاستار مەن ايەل ادامداردىڭ كوبى كۆوتا ارقىلى كەلدى. ويتكەنى، 30% ءار پارتيادان كۆوتا ارقىلى جاستار مەن ايەل ادامدارعا, مۇگەدەكتەرگە قاراستىرىلعان. سوندىقتان قازىر قاراساق، ماجىلىستە جاستار،ايەل ادامدار كوپ، مۇگەدەكتەر دە بار. ءار پارتيا ءتىزىمىن جاڭارتىپ، دەپۋتاتتاردىڭ 80-90%-ى جاڭادان كەلگەن دەپۋتاتتار بولىپ وتىر»، - دەدى ول.
سونداي-اق، تالعات قاليەۆ دەپۋتاتتاردان كوپ ءۇمىت كۇتەتىنىن ايتتى.
«قازىر ماجىلىسكە كوڭىلىم تولا ما دەپ ايتۋعا بولمايدى. ويتكەنى ول دەپۋتاتتاردىڭ ساپاسىن ءبىز ءالى كورمەدىك. جۇمىسىنا كىرىسكەنى كەشە عانا. بىراق، دەپۋتاتتاردىڭ ءتىزىمى جاڭارتىلعالى كوڭىلىم تولىپ وتىر. جاڭا ماجىلىستەن مەن نە كۇتۋىم مۇمكىن؟ بىردەن التى پارتيا بولعان سون، ءارتۇرلى پىكىرلەر پايدا بولادى دەپ ويلايمىن. كوتەرگەن سۇراقتارى وتە وتكىر، اكتۋالدى سۇراقتار بولادى دەپ سەنەمىن. ءبىر مانداپتى دەپۋتاتتارسايلاۋشىلارعا تىكەلەي ۋادە بەرگەن،تاپسىرىس جيناعان. ولاردىڭ سايلاۋشىلاردىڭ الدىندا مىندەتى ەرەكشە. ولار ءبىرتالاي سۇراقتاردى كوتەرەدى دەپ ويلايمىن. پارتيانىڭ دەپۋتاتتارى ميكروفونعا تالاسىپ، ولار دا ءبىر وتكىر سۇراقتاردى كوتەرۋدى باستايدى. التى پارتيا بولعان سوڭ ولاردىڭ اراسىندا پىكىرتالاس تا ورىن الادى. ويتكەنى ماجىلىسكە وتكەن پارتيا بۇگىنگى سايلاۋدان 5-6% الىپ وتىرسا، كەلەسى سايلاۋدا 20-50% دەيىن ءوسىپ كەتۋى مۇمكىن. پارلامەنت ارقىلى ءوز-ءوزىن دامىتا بەرەدى. پارلامەنتتە بۇكىل حالىقتىڭ قىزىعىپ تۇرعان سۇراقتارى كوتەرىلەدى دەپ ۇمىتتەنەمىن.
ءار مەملەكەتتە سايلاۋعا قاناعاتتانباعان ۇمىتكەرلەر بولادى. ولار ارقاشان سايلاۋ ءادىل وتكەن جوق دەپ ايتا بەرەدى. ويتكەنى، امەريكادان دا بايقاۋعا بولادى. سوندىقتان جاڭا دەپۋتاتتارعا مۇمكىندىك بەرىپ، ناتيجەسىن كۇتەيىك،» - دەدى تالعات قاليەۆ.
