بيىلعى ماگيستراتۋرا مەن دوكتورانتۋراعا ءتۇسۋ ە ر ە ج ە ل ە ر ءى

460

قر ءبىلىم جانە عىلىم ۆيتسە-ءمينيسترى اسحات ايماعامبەتوۆ ماگيستراتۋرا مەن دوكتورانتۋراعا ءتۇسۋ ەرەجەلەرىن وزگەرگەنى تۋرالى حابارلادى.

«بىرىنشىدەن، ماگيستراتۋراعا گرانتتار ءبىر ەمتيحان نەگىزىندە بولىنەدى. بۇعان دەيىن گرانتتار ۋنيۆەرسيتەتكە بەرىلىپ، ۋنيۆەرسيتەت باسشىلىعى تاپسىرمالاردى وزدەرى دايىنداپ، قابىلداۋ تۋرالى شەشىمدى وقۋ ورنى شىعارسا، ەندى GMAT ارقىلى انىقتايتىن بولادى. ياعني تالاپكەرلەر قازاقستان رەسپۋبليكاسىنىڭ ۇلتتىق تەستىلەۋ ورتالىعى وتكىزەتىن جان-جاقتى تەستىلەۋدەن وتەدى. بۇل دەگەنىمىز بىلتىرعىعا قاراعاندا تەستىلەۋ اۋىرلاۋ وتەدى دەگەن ءسوز.

ۆيتسە-مينيستر تەستىلەۋ كەزىندە جوعارى بالل جيناعان ۇمىتكەرلەرگە گرانتتار بەرىلەتىندىگىن جانە تالاپكەر قالاعان  ۋنيۆەرسيتەتىن وزدەرى تاڭدايتىنىڭ باسىپ ايتتى. وسىلايشا، ستيپەنديا باكالاۆرياتتان كەيىن جىبەرىلەدى. بۇل گرانتتار جوعارى وقۋ ورىندارىنىڭ باسەكەگە قابىلەتتىلىگىن ارتتىرۋعا مۇمكىندىك بەرەدى.

ماگيستراتۋراعا تۇسەتىن ۇمىتكەرلەر  شەت تىلىندە (بۇرىنعىداي), سونداي-اق ەكى ارنايى ءپان بويىنشا تەست تاپسىرۋلارى كەرەك.

دوكتورانتۋراعا كەلەتىن بولساق, وندا ەش وزگەرىس بولمايدى. ءوتىنىش بەرۋشى جوعارى وقۋ ورنىندا ارنايى ءپان بويىنشا ەمتيحان تاپسىرادى، سونداي-اق شەت ءتىلىن ءبىلۋ دەڭگەيىندە سەرتيفيكات بەرەدى. نەگىزگى وزگەرىس دوكتورلىق باعدارلاماعا ءتۇسۋ ءۇشىن شەت ءتىلىن ءبىلۋ جانە حالىقارالىق سەرتيفيكاتى (IELTS, TOEFL جانە ت.ب.) بولۋى. ەگەر ۇمىتكەردە سەرتيفيكات بولسا،  ۇلتتىق تەستىلەۋ ورتالىعىندا شەت ءتىلىن مەڭگەرۋ بويىنشا تەست تاپسىرۋدىڭ قاجەتى بولمايدى.

"ادىرنا" ۇلتتىق پورتالى

پىكىرلەر