مەملەكەت باسشىسى قاسىم-جومارت توقاەۆتىڭ يتتەرى تۋرالى مالىمەت شىقتى، دەپ حابارلايدى “ادىرنا” ۇلتتىق پورتالى “قازاقپارات” اگەنتتىگىنە سىلتەپ.
مالىمەت بويىنشا، پرەزيدەنتتىڭ ءۇش اسىل تۇقىمدى تازىسى بار. ونىڭ ءبىرى – قىزعىلت-سارى ءتۇستى ناۋرىز اتتى كۇشىك. بۇل تازىنى بىلتىر مەملەكەت باسشىسىنا يت اسىراۋشى اننا زاحاروۆا سىيعا تارتقان. قازىر ناۋرىز 1 جاس 4 ايعا تولدى.
قالعان ەكەۋى – 4 جاسار، اقشىل-سارى ءتۇستى رونني دەگەن ارلان تازى مەن 5 جاسار اقشىل ءتۇستى نەنسي.
يتتەر قورشالعان اۋماقتا، جىلى ۇيشىكتە كۇتىپ-باپتالادى. ارنايى سەرتيفيكاتى بار كينولوگ مامان ولاردى ۇيرەتىپ، ساياتشىلىققا باۋليدى.
قاسىم-جومارت توقاەۆ بوس ۋاقىتىندا تازىلارىمەن سەرۋەندەگەندى ۇناتادى.
ۇقساس جاڭالىقتار
