Memleket basshysy Qasym-Jomart Toqaevtyń ıtteri týraly málimet shyqty, dep habarlaıdy “Adyrna” ulttyq portaly “QazAqparat” agenttigine siltep.
Málimet boıynsha, prezıdenttiń úsh asyl tuqymdy tazysy bar. Onyń biri – qyzǵylt-sary tústi Naýryz atty kúshik. Bul tazyny byltyr Memleket basshysyna ıt asyraýshy Anna Zaharova syıǵa tartqan. Qazir Naýryz 1 jas 4 aıǵa toldy.
Qalǵan ekeýi – 4 jasar, aqshyl-sary tústi Ronnı degen arlan tazy men 5 jasar aqshyl tústi Nensı.
Itter qorshalǵan aýmaqta, jyly úıshikte kútip-baptalady. Arnaıy sertıfıkaty bar kınolog maman olardy úıretip, saıatshylyqqa baýlıdy.
Qasym-Jomart Toqaev bos ýaqytynda tazylarymen serýendegendi unatady.