14 جىل بۇرىن 45 ادامنىڭ ءومىرىن جالماعان قىزىلاعاش اپاتى بولدى، دەپ حابارلايدى "ادىرنا" ءتىلشىسى.
2010 جىلى 12 ناۋرىزعا قاراعان ءتۇنى قىزىلاعاش سۋ قويماسىنداعى بوگەت بۇزىلىپ، قىزىلاعاش اۋىلىن توپان سۋ باسقان.
ال اپاتتى ايماقتىڭ تۇرعىندارى بوگەتتىڭ دەڭگەيىن كورگەن سوڭ سۋدىڭ ارتىعىن اعىزىپ، جاعدايدى باقىلاعاندا مۇنداي قايعىلى وقيعا بولمايتىنىن ايتتى. ونىڭ ۇستىنە مەملەكەتتىك ماڭىزى بار بوگەت جەكەمەنشىككە وتكەن.
45 ادامنىڭ ءومىرىن جالماعان اپات ءتۇن ىشىندە بولعان. سۋ قويماسنىڭ بيىكتىگى بەس مەتردەن اسقان. ءدال وسى ساتتە سۋ تۇرعىن ۇيلەردىڭ استان-كەستەڭىن شىعارىپ، بارلىعى توپان سۋمەن اعىپ كەتتى. اپات سالدارىنان الماتى-وسكەمەن جولىنداعى كوپىر بۇزىلىپ، پويىز قوزعالىسى دا توقتاتىلعان.
قىزىلاعاشتاعى اپاتقا "كىنالى" دەپ قىزىلاعاش اۋىلدىق وكرۋگىنىڭ سول كەزدەگى اكىمى ەسەت ءجۇنىسوۆ، "قىزىلاعاش" سۋ قويماسىنىڭ باسشىسى، "شىنار" جشس ديرەكتورى قۋانىش بەكەەۆ، سۋ پايدالانۋشىلار ارناۋلى وندىرىستىك كووپەراتيۆىنىڭ اتقارۋشى ديرەكتورى مۇحيت ءجۇنىسوۆ، اقسۋ اۋداندىق توتەنشە جاعدايلار جونىندەگى ءبولىمنىڭ باستىعى كۇنىبەك بايزاقوۆ جانە الماتى وبلىسى بويىنشا توتەنشە جاعدايلار جونىندەگى دەپارتامەنت باستىعىنىڭ ورىنباسارى ەۆگەني ەنيندەر تانىلىپ، تۇتقىنعا الىندى.
