14 jyl buryn 45 adamnyń ómirin jalmaǵan Qyzylaǵash apaty boldy, dep habarlaıdy "Adyrna" tilshisi.
2010 jyly 12 naýryzǵa qaraǵan túni Qyzylaǵash sý qoımasyndaǵy bóget buzylyp, Qyzylaǵash aýylyn topan sý basqan.
Al apatty aımaqtyń turǵyndary bógettiń deńgeıin kórgen soń sýdyń artyǵyn aǵyzyp, jaǵdaıdy baqylaǵanda mundaı qaıǵyly oqıǵa bolmaıtynyn aıtty. Onyń ústine memlekettik mańyzy bar bóget jekemenshikke ótken.
45 adamnyń ómirin jalmaǵan apat tún ishinde bolǵan. Sý qoımasnyń bıiktigi bes metrden asqan. Dál osy sátte sý turǵyn úılerdiń astan-kesteńin shyǵaryp, barlyǵy topan sýmen aǵyp ketti. Apat saldarynan Almaty-Óskemen jolyndaǵy kópir buzylyp, poıyz qozǵalysy da toqtatylǵan.
Qyzylaǵashtaǵy apatqa "kináli" dep Qyzylaǵash aýyldyq okrýginiń sol kezdegi ákimi Eset Júnisov, "Qyzylaǵash" sý qoımasynyń basshysy, "Shynar" JShS dırektory Qýanysh Bekeev, sý paıdalanýshylar arnaýly óndiristik kooperatıviniń atqarýshy dırektory Muhıt Júnisov, Aqsý aýdandyq tótenshe jaǵdaılar jónindegi bólimniń bastyǵy Kúnibek Baızaqov jáne Almaty oblysy boıynsha tótenshe jaǵdaılar jónindegi departament bastyǵynyń orynbasary Evgenıı Enınder tanylyp, tutqynǵa alyndy.
