ارىس قالاسىنداعى جارىلىستان زارداپ شەككەن حالىقتىڭ جاي-كۇيىمەن تانىسۋعا قر پرەمەر-ءمينيسترى ا.مامين ارنايى كەلدى. پرەمەر-مينيستر وبلىس باسشىسى ءو.شوكەەۆپەن بىرگە سناريادتان زاقىم كەلگەن تۇرعىن ۇيلەر مەن 4 قاباتتى قالالىق اۋرۋحانانى، حالىققا قىزمەت كورسەتۋ ورتالىعىن جانە كوكتەم شاعىناۋدانىنداعى ي.جۋربا اتىنداعى ورتا مەكتەپتى ارالاپ، عيماراتتاردىڭ جاي-كۇيىمەن تانىستى. سونىمەن قاتار، كۇنى كەشە ۇيلەرىنە ورالعان ارىستىقتارمەن سويلەسىپ، ولارعا ءتيىستى كومەك كورسەتىلەتىنىن جەتكىزدى.
سودان كەيىن پرەمەر-مينيستر ارىس قالاسىنا بەرىلۋى ءتيىس كومەكتى تالقىلاۋ ماقساتىندا ۇكىمەتتىك كوميسسيا وتىرىسىنا قاتىستى.
جينالىستا اسقار مامين ارىستا تۇراتىن ءاربىر تۇرعىنعا، ياعني 44 781 ازاماتقا ۇكىمەتتەن 100 مىڭ تەڭگەدەن بەرىلەتىنىن ايتتى. سونداي-اق، قالا 1 اي كولەمىندە تولىق جوندەۋدەن وتەتىنىن جەتكىزدى. بۇدان وزگە، ارىستىق كاسىپكەرلەرگە 1 پايىزبەن 5 ميلليون تەڭگەگە دەيىن جەڭىلدەتىلگەن نەسيە بەرىلەتىنىن بولدى.
سونىمەن قاتار، ۇكىمەت باسشىسى ارىس قالاسىندا جاڭا اۋرۋحانا سالىنىپ، 4 مىڭنان استام بالا جازعى دەمالىسقا باراتىنىن باياندادى. ەڭ باستىسى، قالاداعى اسكەري ارسەنال 2 اپتادا باسقا ايماققا كوشىرىلەتىنى جونىندە شەشىم قابىلداندى.
تۇركىستان وبلىسى اكىمىنىڭ ءباسپاسوز قىزمەتى
" ادىرنا" ۇلتتىق پورتالى
