ARYS QALASYNYŃ ÁRBIR TURǴYNYNA 100 MYŃ TEŃGEDEN BERILEDI

2271
Adyrna.kz Telegram

Arys qalasyndaǵy jarylystan zardap shekken halyqtyń jaı-kúıimen tanysýǵa QR Premer-mınıstri A.Mamın arnaıy keldi. Premer-mınıstr oblys basshysy Ó.Shókeevpen birge snarıadtan zaqym kelgen turǵyn úıler men 4 qabatty qalalyq aýrýhanany, halyqqa qyzmet kórsetý ortalyǵyn jáne Kóktem shaǵynaýdanyndaǵy I.Jýrba atyndaǵy orta mektepti aralap, ǵımarattardyń jaı-kúıimen tanysty. Sonymen qatar, kúni keshe úılerine oralǵan arystyqtarmen sóılesip, olarǵa tıisti kómek kórsetiletinin jetkizdi.
Sodan keıin Premer-mınıstr Arys qalasyna berilýi tıis kómekti talqylaý maqsatynda úkimettik komıssııa otyrysyna qatysty.
Jınalysta Asqar Mamın Arysta turatyn árbir turǵynǵa, ıaǵnı 44 781 azamatqa Úkimetten 100 myń teńgeden beriletinin aıtty. Sondaı-aq, qala 1 aı kóleminde tolyq jóndeýden ótetinin jetkizdi. Budan ózge, arystyq kásipkerlerge 1 paıyzben 5 mıllıon teńgege deıin jeńildetilgen nesıe beriletinin boldy.
Sonymen qatar, Úkimet basshysy Arys qalasynda jańa aýrýhana salynyp, 4 myńnan astam bala jazǵy demalysqa baratynyn baıandady. Eń bastysy, qaladaǵy áskerı arsenal 2 aptada basqa aımaqqa kóshiriletini jóninde sheshim qabyldandy.

Túrkistan oblysy ákiminiń baspasóz qyzmeti

" Adyrna" ulttyq portaly

Pikirler