بۇگىن — قازاقستاننىڭ حالىق ءارتىسى، كينو جانە تەاتر ونەرىندە وزىندىك قولتاڭباسىن قالدىرعان دارىندى تۇلعا ءامينا ومىرزاقوۆانىڭ تۋعان كۇنى.
ول 1919 جىلعى 8 ناۋرىزدا اباي وبلىسى اباي اۋدانىنىڭ قاراۋىل اۋىلىندا ومىرگە كەلگەن. شىعىستان شىققان تالانتتى ارۋ لەنينگراد ينستيتۋتىندا وقىپ جۇرگەن كەزىنەن-اق كينوعا تۇسە باستاعان. العاشقى فيلمدەرى – «كومسومولسك»، «امانگەلدى»، «الىپتىڭ ءانى»، «اق راۋشان».
وقۋدى تامامداعاننان كەيىن 1938 جىلى ۆاسيلي مەركۋرەۆ شاكىرتتەرىمەن بىرگە شىمكەنت قالاسىندا اشقان قازاق دراما تەاترىنا جۇمىسقا تۇرادى.
ونەر ادامىنىڭ كينو الەمىندەگى جۇلدىزىن جاققان تۋىندىسى —1945 جىلى تۇسىرىلگەن «اباي اندەرى» ءفيلمى. باستى ءرولدىڭ ءبىرى – اجاردىڭ بەينەسىن سومدايتىن اكتريسانى ستسەناري اۆتورى مۇحتار اۋەزوۆتىڭ ءوزى بەكىتكەن.
30-دان اسا كارتيناعا ءتۇسىپ، تەاتردا 150-گە جۋىق بەينەنى سومداعان اكتريسا قالىڭ كوپشىلىككە انا بەينەسىمەن تانىلدى. قازاق كينوسىنىڭ باعا جەتپەس قازىناسىنا اينالعان “اباي”، ء“بىر اۋداندا”، “انا تۋرالى اڭىز”، “ارمانىم مەنىڭ”، “اق شامان”، “نان ءدامى”، “شانحاي” فيلمدەرىندە سومداعان بەينەلەرى، اسىرەسە ايگىلى “تاقيالى پەرىشتەدە” ويناعان تانا اپايدىڭ ءرولى قالىڭ جۇرتشىلىقتىڭ ماحابباتىنا ءالى كۇنگە دەيىن بولەنىپ كەلەدى.
