ەكس-پرەزيدەنت نۇرسۇلتان نازارباەۆتىڭ جيەنى، وليگارح ءنۇرالى اليەۆ لاس-ۆەگاستا توبە كورسەتتى. بۇل تۋرالى ول U2 روك-توبىنىڭ كونتسەرتىنەن ءوزىنىڭ Instagram جەلىسىندە 3 ۆيدەو جاريالادى، دەپ حابارلايدى “ادىرنا” ۇلتتىق پورتالى.
كونتسەرت لاس-ۆەگاستا، "سفەرا" پاۆيلونىندا وتكەن.
ايتا كەتەيىك، ءنۇرالى اليەۆ جىل سايىن قازاقستاننىڭ ەڭ باي بيزنەسمەندەرىنىڭ رەيتينگىنە ەنەدى. وتكەن جىلى ىسكەرلىك جۋرنال ونىڭ بايلىعىن 249 000 000 دوللارعا باعالادى. ول داريعا نازارباەۆا مەن راحات اليەۆتىڭ تۇڭعىشى.
وسى جىلدىڭ قاڭتار ايىندا الماتىدا جەر سىلكىنىسى ورىن العان ەدى. وسى كەزدە تۇرعىندارعا اپاتتىق جاعدايدى ەسكەرتپەگەن كومپانيا ءنۇرالى اليەۆكە تيەسىلى ەكەنى بەلگىلى بولدى. TNS-INTEC كومپانياسى ءوز كەزەگىندە Darmen Holding كومپانياسىنا تيەسىلى، حولدينگتىڭ سوڭعى يەسى ءنۇرالى اليەۆ بولىپ تابىلادى.
2022 جىلى تجد جەر سىلكىنىسى تۋرالى ەرتە ەسكەرتۋ جۇيەسىن ورناتۋعا TNS-INTEC-پەن كەلىسىمشارتقا قول قويىپ، وعان 1,1 ملرد تەڭگە جۇمساعانى بەلگىلى بولدى.
