Eks-prezıdent Nursultan Nazarbaevtyń jıeni, olıgarh Nuráli Álıev Las-Vegasta tóbe kórsetti. Bul týraly ol U2 rok-tobynyń konertinen óziniń Instagram jelisinde 3 vıdeo jarııalady, dep habarlaıdy “Adyrna” ulttyq portaly.
Konert Las-Vegasta, "Sfera" pavılonynda ótken.
Aıta keteıik, Nuráli Álıev jyl saıyn Qazaqstannyń eń baı bıznesmenderiniń reıtıngine enedi. Ótken jyly iskerlik jýrnal onyń baılyǵyn 249 000 000 dollarǵa baǵalady. Ol Darıǵa Nazarbaeva men Rahat Álıevtiń tuńǵyshy.
Osy jyldyń qańtar aıynda Almatyda jer silkinisi oryn alǵan edi. Osy kezde turǵyndarǵa apattyq jaǵdaıdy eskertpegen kompanııa Nuráli Álıevke tıesili ekeni belgili boldy. TNS-INTEC kompanııasy óz kezeginde Darmen Holding kompanııasyna tıesili, holdıngtiń sońǵy ıesi Nuráli Álıev bolyp tabylady.
2022 jyly TJD jer silkinisi týraly erte eskertý júıesin ornatýǵa TNS-INTEC-pen kelisimshartqa qol qoıyp, oǵan 1,1 mlrd teńge jumsaǵany belgili boldy.
