"قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى" قازاقستان رەسپۋبليكاسى كونستيتۋتسيالىق زاڭىنىڭ كۇشى جويىلدى دەپ تانۋ تۋرالى" قر كونستيتۋتسيالىق زاڭىنىڭ جوباسىن جۇمىسقا الۋ جونىندە ءماجىلىس شەشىم قابىلدادى، دەپ جازادى "ادىرنا" ۇلتتىق پورتالى.
سارسەنبىدە وتكەن ءماجىلىستىڭ جالپى وتىرىسىندا ەكس-پرەزيدەنت نۇرسۇلتان نازارباەۆ تۋرالى زاڭنىڭ كۇشىن جويۋ جوباسى قاراۋعا قابىلداندى.
«بۇل زاڭ جوباسى رەسپۋبليكالىق رەفەرەندۋم قورىتىندىلارى بويىنشا ەل كونستيتۋتسياسىنا ەنگىزىلگەن وزگەرىستەردى ىسكە اسىرۋ ماقساتىندا ازىرلەندى. اتاپ ايتاتىن بولساق، بيىلعى 8 ماۋسىمداعى زاڭمەن كونستيتۋتسياعا ەنگىزىلگەن تۇزەتۋلەرگە سايكەس، قازاقستاننىڭ تۇڭعىش پرەزيدەنتىنىڭ مارتەبەسى مەن وكىلەتتىگى رەسپۋبليكا كونستيتۋتسياسىمەن جانە كونستيتۋتسيالىق زاڭمەن ايقىندالادى دەگەن نورمانى كوزدەيتىن اتا زاڭنىڭ 46-بابى 4-تارماعى الىنىپ تاستالدى. وسىعان بايلانىستى، بۇل زاڭ جوباسىمەن قۇقىقتىق نەگىزدىڭ جوقتىعىن ەسكەرە وتىرىپ، ءتيىستى كونستيتۋتسيالىق زاڭنىڭ كۇشىن جويۋ كوزدەلەدى»، - دەدى دەپۋتات ارمان قوجاحمەتوۆ ءماجىلىستىڭ جالپى وتىرىسىندا.
"ادىرنا" ۇلتتىق پورتالى
