تۋريزم - بۇل جەرگىلىكتى جانە شەتەلدىك تۋريستەردى تارتۋعا جانە ولارعا قىزمەت كورسەتۋگە باعىتتالعان سالالار مەن ءىس-شارالار كەشەنى.
مەملەكەت ءۇشىن تۋريزم سالاسىنىڭ دامۋى اسا ماڭىزدى. سەبەبى مەملەكەتكە تۋريستەردى تارتۋ، ادەمى نىسانداردى قولداۋ - مەملەكەت تاريحىنىڭ دامۋىنا، ەلدىڭ ىشكى-سىرتقى ساياساتىنا تىكەلەي اسەر ەتەدى.
ەلدەگى ءتۋريزمنىڭ ماڭىزدى اسپەكتىلەرىنە تۋريستىك ينفراقۇرىلىم، تابيعي جانە مادەني رەسۋرستار، تۋريستىك ءىس-شارالار مەن قوناقجايلىلىق، كولىكتىك ينفراقۇرىلىم مەن ەكونوميكالىق اسەرى جاتادى.
تۋريستىك ينفراقۇرىلىم - جايلى تۇرۋ مەن دەمالۋدى قامتاماسىز ەتەتىن ءتۇرلى قوناق ءۇي كەشەندەرىنىڭ، مەيرامحانالاردىڭ، كولىك قۇرالدارىنىڭ، ويىن-ساۋىق ورتالىقتارىنىڭ جانە باسقا دا وبەكتىلەردىڭ بولۋى. ياعني، ەلگە كەلگەن شەتەلدىك تۋريستەر نە بولماسا جەرلەستەر ءوز وتانىنىڭ تاريحىمەن جاقىن تانىسۋى ءۇشىن جاقسى جاعداي جاسالۋى ءتيىس. وسى تۇستا وڭىرلىك اكىمدىكتەر مەن مينيسترلىكتەن بىرقاتار باعدارلامالار ۇيىمداستىرىلىپ، جاعداي جاسالۋدا.
تابيعي جانە مادەني رەسۋرستار - تارتىمدى تابيعي سۇلۋلىق، مادەنيەت جانە تاريح ەسكەرتكىشتەرى، ۇلتتىق ساياباقتار، مۇراجايلار، تەاترلار جانە تۋريستەردى تارتۋدىڭ ورتالىق نىساندارىنا اينالاتىن باسقا دا كورنەكتى ورىندار. قازاقستان رەسپۋبليكاسى مادەنيەت جانە اقپارات مينيسترلىگى تاراپىنان بىرنەشە تاريحي نىساندار مەملەكەت مەنشىگىنە ءوتىپ، تۋريستەردىڭ قاتىناۋى ءۇشىن جاعدايلار جاسالۋدا.
ارنايى كەزەڭ سايىن ۇيىمداستىرىلىپ وتىراتىن تۋريستىك ءىس-شارالار مەن فەستيۆالدار – تۋريزم سالاسىن ودان ءارى دامىتۋدا. مەملەكەتتىك، حالىقارالىق جيىندار ارقىلى ەلدىڭ اتىن تەك شەكاراعا دەيىن ەمەس، الەمگە تانىتۋعا كوپتەگەن مۇمكىندىكتەر قاراستىرىلىپ كەلەدى.
تۋريزم دەسە ەڭ اۋەلى ترانسپورت ەسكە تۇسەتىنى دە جاسىرىن ەمەس. كولىك ينفراقۇرىلىمىنىڭ دامۋى - ساياحات ىڭعايلىلىعى، سونىڭ ىشىندە اۆتوموبيل، تەمىرجول جانە اۋە جولدارىنىڭ دامىعان جەلىسى. ەلىمىزدىڭ ءتۇرلى تۋريستىك ورتالىقتارىنا اۋە، سۋ، قۇرلىق ارقىلى جەتۋگە مۇمكىندىك بار.
قازاق حالقى – ەڭ قوناقجاي حالىق. قوناقجايلىلىق جانە قىزمەتتىڭ بولۋى قازاقستانعا كەلۋشىلەر ءۇشىن جاعداي جاساۋ ارقىلى دوستىق قابىلداۋ جانە قىزمەت كورسەتۋدىڭ جوعارى دەڭگەيىن تانىتادى.
قازاقستانداعى تۋريزم ول تابيعي سۇلۋلىقتى، مادەني مۇرانى، تاريحي ەسكەرتكىشتەر مەن قازىرگى زامانعى قالالاردى قامتيتىن الۋان ءتۇرلى باعىت بولىپ تابىلادى.
تۋريزم ەلدىڭ ەكونوميكالىق دامۋىنا، جاڭا جۇمىس ورىندارىن قۇرۋعا، مادەني الماسۋعا جانە الەمدىك ارەنادا وڭ ءيميدجدى قالىپتاستىرۋعا ىقپال ەتەدى. دەگەنمەن، ءتۋريزمنىڭ ءساتتى دامۋى تابيعاتتى ساقتاۋ جانە جەرگىلىكتى داستۇرلەردى قۇرمەتتەۋ ءۇشىن ەكولوگيالىق جانە الەۋمەتتىك-مادەني اسپەكتىلەردى ەسكەرۋدى تالاپ ەتەتىنىن دە ەستەن شىعارماعان ءجون.
