قازاقستان تۇرعىندارى الدىن الا تەراپەۆتكە بارماي-اق، مامان دارىگەرلەرمەن تىكەلەي بايلانىسۋ مۇمكىندىگىنە يە بولادى. مۇنداي شەشىمدى قازاقستاننىڭ دەنساۋلىق ساقتاۋ مينيسترلىگى قابىلدادى، دەپ حابارلايدى “ادىرنا” ۇلتتىق پورتالى.
قر دەنساۋلىق ساقتاۋ مينيسترلىگى ءساۋىر ايىنان باستاپ ەمدەۋگە كەشەندى كوزقاراستى قامتاماسىز ەتۋ ءۇشىن جالپى تاجىريبەلىك دارىگەرلەر مەن مامانداردىڭ ءوزارا ارەكەتتەسۋ ءتارتىبى وزگەرتىلەتىنىن اتاپ ءوتتى. ەندى قوسىمشا زەرتتەۋلەر ءار ناۋقاس ءۇشىن جەكە انىقتالادى.
مامانداندىرىلعان ماماندارمەن بايلانىسۋعا كەلەتىن بولساق، توتەنشە جاعدايلار نەمەسە جاراقاتتار جاعدايىندا تەراپەۆتپەن كەڭەسۋ قاجەت ەمەس.
تىكەلەي حابارلاسۋعا بولاتىن ماماندار تىزىمىنە مىنالار كىرەدى: تراۆماتولوگ، وفتالمولوگ، لور دارىگەرى، ءتىس دارىگەرى، دەرماتوۆەنەرولوگ، اكۋشەر-گينەكولوگ، پسيحولوگ، ونكولوگ، كارديولوگ جانە ەندوكرينولوگ.
سونداي-اق، ەنگىزىلگەن وزگەرىستەرگە سايكەس، بيىل ءساۋىر ايىنان باستاپ جوسپارلى اۋرۋحاناعا جاتقىزۋ ءۇشىن قاجەتتى تالداۋلار سانى ازايىپ، ولاردىڭ جارامدىلىق مەرزىمى دە ۇزارادى - ون كۇننىڭ ورنىنا ەكى اپتاعا دەيىن جانە ءبىر ايدىڭ ورنىنا ءۇش ايعا دەيىن.
