قازاقستاندا 2023 جىلعى قاراشادا سىرت كيىم مەن اياق كيىم باعاسى 2022 جىلعى قاراشامەن سالىستىرعاندا 10,4 پايىزعا جانە 13,1 پايىزعا قىمباتتادى، دەپ حابارلايدى «ادىرنا» ۇلتتىق پورتالى ءبىرىنشى كرەديتتىك بيۋروسىنا (بكب) سىلتەمە جاساپ.
«قاراشادا سىرت كيىم مەن اياق كيىم باعاسى تيىسىنشە 1,1 پايىزعا جانە 1,3 پايىزعا قىمباتتادى. جالپى، ءبىر جىل ىشىندە سىرت كيىم 10,4 پايىزعا، اياق كيىم 13,1 پايىزعا قىمباتتادى»، — دەلىنگەن PKB – Data Hab Telegram ارناسىنداعى حابارلامادا.
اقپاراتقا سايكەس، قاراشادا ءدارى-دارمەك باعاسى 1,2 پايىزعا قىمباتتادى: اسپيرين – 6,9 پايىزعا، پاراتسەتامول – 3,6 پايىزعا، يود – 3,1 پايىزعا.
سونداي-اق ينتەرنەتكە قوسىلۋ ءۇشىن ابونەنتتىك تولەم 1,9 پايىزعا، اۆتوكولىكتەر – 2,2 پايىزعا، قيار – 42,1 پايىزعا، قىزاناق – 39 پايىزعا ءوستى، ديزەل وتىنىنىڭ باعاسى 1 پايىزعا ارزاندادى.
«ادىرنا» ۇلتتىق پورتالى
