“اتىراۋ مۇناي وڭدەۋ زاۋىتى” جشس باسشىسى عالىمجان جۋسانباەۆ پەن باس ينجەنەر ادىلەت شوشانباسوۆقا قاتىستى سوتقا دەيىنگى تەرگەۋ باستالدى، دەپ حابارلايدى “ادىرنا” ۇلتتىق پورتالى قارجى مونيتورينگى اگەنتتىگىنىڭ ءباسپاسوز قىزمەتىنە سىلتەمە جاساپ.
“اتىراۋ مۇناي وڭدەۋ زاۋىتى” جشس باسشىلىعىنا قاتىستى مەملەكەتكە اسا ءىرى كولەمدە زالال كەلتىرۋگە نەمەسە وزگە دە اۋىر زارداپتارعا اكەپ سوققان لاۋازىمدىق وكىلەتتىكتەرىن اسىرا پايدالانۋ فاكتىسى بويىنشا سوتقا دەيىنگى تەرگەۋ باستالدى”، - دەلىنگەن حابارلامادا.
تەرگەۋدى اتىراۋ وبلىسى بويىنشا قما دەپارتامەنتى مەن پروكۋراتۋرا جۇرگىزىپ جاتىر.
بۇعان دەيىن جۋسانباەۆ باس ديرەكتور قىزمەتىن اتقارعان قىسقا ۋاقىت ىشىندە ونىڭ كاسىبي مىندەتتەرىن ورىنداۋعا كەدەرگى كەلتىرەتىن جانە زاۋىتتىڭ تيىمدىلىگىنە اسەر ەتەتىن جۇيەلى كەدەرگىلەرگە تاپ بولعانىن ايتىپ پرەزيدەنت قاسىم-جومارت توقاەۆقا بەينەۇندەۋ جولداعان.
وسى جانجالدان كەيىن اتىراۋ مۇناي وڭدەۋ زاۋىتىنىڭ ء(موز) باس ديرەكتورى عالىمجان جۋسانباەۆ پەن زاۋىتتىڭ باس ينجەنەرى ادىلەت شوشانباسوۆ قىزمەتىنەن بوساتىلعانىن حابارلاعان بولاتىنبىز.
“ادىرنا” ۇلتتىق پورتالى
