“Atyrau mūnai öŋdeu zauyty” JŞS basşysy Ǧalymjan Jusanbaev pen bas injener Ädılet Şoşanbasovqa qatysty sotqa deiıngı tergeu bastaldy, dep habarlaidy “Adyrna” ūlttyq portaly Qarjy monitoringı agenttıgınıŋ baspasöz qyzmetıne sılteme jasap.
“Atyrau mūnai öŋdeu zauyty” JŞS basşylyǧyna qatysty memleketke asa ırı kölemde zalal keltıruge nemese özge de auyr zardaptarǧa äkep soqqan lauazymdyq ökılettıkterın asyra paidalanu faktısı boiynşa sotqa deiıngı tergeu bastaldy”, - delıngen habarlamada. Tergeudı Atyrau oblysy boiynşa QMA departamentı men prokuratura jürgızıp jatyr. Būǧan deiın Jusanbaev bas direktor qyzmetın atqarǧan qysqa uaqyt ışınde onyŋ käsıbi mındetterın oryndauǧa kedergı keltıretın jäne zauyttyŋ tiımdılıgıne äser etetın jüielı kedergılerge tap bolǧanyn aityp Prezident Qasym-Jomart Toqaevqa beineündeu joldaǧan. Osy janjaldan keiın Atyrau mūnai öŋdeu zauytynyŋ (MÖZ) bas direktory Ǧalymjan Jusanbaev pen zauyttyŋ bas injenerı Ädılet Şoşanbasov qyzmetınen bosatylǧanyn habarlaǧan bolatynbyz.“Adyrna” ūlttyq portaly
Ūqsas jaŋalyqtar
