اكىم ءاليا نازارباەۆانىڭ كومپانياسىمەن كەلىسىمشارت اياقتالاتىنىن حابارلادى

753
Adyrna.kz Telegram
اشىق دەرەككوزدەن
اشىق دەرەككوزدەن

استانا قالاسىنىڭ اكىمى جەڭىس قاسىمبەك قالاداعى قوقىس شىعارۋمەن اينالىساتىن ءاليا نازارباەۆانىڭ كومپانياسىنا قاتىستى سۇراققا جاۋاپ بەردى، دەپ حابارلايدى "ادىرنا" ۇلتتىق پورتالى Tengrinews سايتىنا سىلتەمە جاساپ.

اكىم Clean City NC كومپانياسىمەن جاسالعان كەلىسىمشارتتىڭ مەرزىمى قاشان اياقتالاتىنى تۋرالى سۇراققا ناقتى جاۋاپ بەردى.

"بيىل بۇل كومپانيامەن كەلىسىمشارت اياقتالادى. ول بۇگىندە بۇكىل قالا بويىنشا جۇمىس ىستەپ جاتىر. ونىمەن كەلىسىم 5-6 جىل بۇرىن جاسالعان بولۋى كەرەك. وسى جىلدان باستاپ ءساۋىردىڭ باسىندا بايقاۋ جاريالاۋدى جوسپارلاپ وتىرمىز. قالانى بەس اۋدانعا بولەمىز. قالا ەكى ەسە ءوستى، سايكەسىنشە تۇرعىندار سانى دا ءوستى. ءبىر جىل ىشىندە كۇن سايىن شامامەن 1,5 مىڭ توننا قاتتى تۇرمىستىق قالدىقتار جينالادى", - دەدى استانا قالاسىنىڭ اكىمى.

ونىڭ ايتۋىنشا، تەك ءبىر عانا كاسىپورىننىڭ قۋاتى ەندى بۇكىل قالانى قامتاماسىز ەتۋگە قاۋقارسىز. سوندىقتان ەندىگى جوسپار بويىنشا باسقا دا قوقىس شىعاراتىن كومپانيالار جۇمىسقا تارتىلادى.

ء"بىز بەس اۋدان بويىنشا قوقىسپەن اينالىساتىن مەردىگەرلىك ۇيىمداردى انىقتاۋدى جوسپارلاپ وتىرمىز. مىندەتتى شارت - تەحنيكانىڭ بولۋى. بۇگىندە ۇزىلىستەر مەزگىل-مەزگىل بولىپ تۇرادى، وزدەرىڭىز بىلەسىزدەر، اسىرەسە نۇرا اۋدانىندا. بۇل كومپانيانىڭ 3-4 جىل بۇرىن بولعان تەحنيكا كولەمىنە بايلانىستى. ولار 80 كولىكپەن باستادى، قازىر دە شامامەن سونداي، ءسال كوبىرەك. بىزگە قالانى تازارتۋ ءۇشىن 150-160 ماشينا قاجەت. سوندىقتان، باسقا كومپانيالاردى بارىنشا تارتامىز، كەم دەگەندە 3-4 كومپانيا قالادا جۇمىس ىستەيدى دەپ كۇتەمىز", - دەپ جەڭىس قاسىمبەك الداعى جوسپارمەن ءبولىستى.

"ادىرنا" ۇلتتىق پورتالى

پىكىرلەر