اقش جاقىن ارادا يرانعا تاعى دا سانكتسيا سالادى. وعان ەلدىڭ رەسەي فەدەراتسياسىمەن ورناتقان اسكەري ىنتىماقتاستىعى تۇرتكى بولىپ وتىر. بۇل تۋرالى اق ۇيدەگى ۇلتتىق قاۋىپسىزدىك كەڭەسىنىڭ ستراتەگيالىق كوممۋنيكاتسيالار جونىندەگى ۇيلەستىرۋشىسى دجون كيربي مالىمدەدى، دەپ حابارلايدى «ادىرنا» ءتىلشىسى تاسس-قا سىلتەمە جاساپ.
«الداعى كۇندەرى يرانعا قارسى قوسىمشا سانكتسيا ەنگىزەمىز. ەگەر تەگەران ماسكەۋگە بالليستيكالىق زىمىراندار ساتامىن دەگەن شەشىم قابىلداسا، ءبىز«تەز» ءارى «قاتاڭ» جاۋاپ قايتاراتىن بولامىز»،—دەدى ول.
اق ءۇي وكىلى يران رەسەيگە تەگىننەن-تەگىن كومەكتەسىپ وتقان جوق دەپ سانايدى. ونىڭ پىكىرىنشە، ءدال وسى قولداۋ ءۇشىن رەسەي تەگەرانعا قورعانىس سالاسىندا بۇرىن - سوڭدى بولماعان ىنتىماقتاستىقتى ۇسىنادى. سونداي-اق كيربي «يران رەسەيدەن ميللياردتاعان دوللارلىق اسكەري تەحنيكانى العىسى كەلەدى» دەگەن بولجام جاسادى.
ايتا كەتەيىك، بۇعان دەيىن يراننىڭ قورعانىس مينيسترلىگى رەسەيمەن اسكەري قارىم-قاتىناستىڭ «ۋكرايناداعى سوعىسقا ەشقانداي قاتىسى جوق» ەكەنىن ايتقان ەدى.
