يراندا اقش-تىڭ جەرگە وپەراتسياسىنا جاۋاپ رەتىندە ميلليوننان استام ادام موبيليزاتسيالانعانى حابارلاندى. Tasnim اگەنتتىگىنە سىلتەمە جاساعان Report اگەنتتىگىنىڭ دەرەگىنشە، يران اسكەرى مەن ەرىكتىلەر اراسىندا اقش پەن يزرايلگە قارسى جاۋاپ اسكەري ارەكەتتەرگە قاتىسۋعا قىزىعۋشىلىق ارتىپ وتىر.
«اقش يران اۋماعىندا جەرگە وپەراتسيا باستاۋ مۇمكىندىگى ارتىپ كەلە جاتقاندىقتان، يران جاۋىنگەرلەرى امەريكالىقتار ءۇشىن يران جەرىندە تاريحي توزاق جاساۋعا ىنتا سەزىمىن ارتتىردى»، – دەلىنگەن حابارلامادا.
دەرەككوز سوڭعى كۇندەرى يران جاستارىنىڭ اقش پەن يزرايلگە قارسى جاۋاپ اسكەري ارەكەتتەرگە قاتىسۋعا دا ۇلكەن قىزىعۋشىلىق تانىتىپ جاتقانىن اتاپ ءوتتى.
«اقش ورمۋز بۇعازىن ءوزىن-ءوزى قۇرتۋ جانە ءوز-ءوزىن زاقىمداۋ تاكتيكاسى ارقىلى اشقىسى كەلەدى. بۇل قالىپتى جاعداي. ءبىز ولاردىڭ ءوزىن-ءوزى قۇرتۋ ستراتەگياسىن ىسكە اسىرۋعا دا، بۇعاز جابىق كۇيىندە قالۋىنا دا دايىنبىز»، – دەپ قوستى اسكەري دەرەككوز.
