الماتىدا سەيسميكالىق جاتتىعۋلار كەزىندە جەر سىلكىندى. بۇل تۋرالى سەيسمولوگيالىك زەرتتەۋ ينستيتۋتى ايتتى، دەپ حابارلايدى «ادىرنا» ءتىلشىسى.
«2024 جىلعى 23 اقپاندا ساعات 10:08-دە جەر سىلكىنىسى تىركەلدى. ونىڭ ەپيتسەنترى قىتاي اۋماعىندا (الماتى قالاسىنان وڭتۇستىك-شىعىسقا قاراي 259 كم جەردە) ورنالاسقان. زارداپ شەككەندەر مەن عيماراتتارعا زاقىم كەلگەنى تۋرالى اقپارات جوق. جاعداي تۇراقتى»،—دەلىنگەن حابارلامادا.
ايتا كەتەيىك، بۇگىن الماتىدا جەر سىلكىنىسى كەزىندەگى ءىس-ارەكەتتەردى پىسىقتاۋ ءۇشىن وقۋ-جاتتىعۋ ءوتتى. تاڭعى ساعات 10:00-دە قالا بويىنشا دابىل جۇيەلەرى ىسكە قوسىلدى.
